PJR José informa, nia hato’o pedidu ba PM Taur atu hasoru-malu hodi bele hametin kooperasaun atu haree ba asuntu kontensiozu hanesan pesoal ka koletivu ne'ebé halo asaun kontra estadu.
Molok ne’e, nia dehan, iha governu dahitu, iha gabinete PM nian eziste pontu vokal ida ne’ebé halo kontaktu permanente ho PJR kona-ba asuntu kontensiozu estadu ninian.
“Fó lembra fali ba Primeiru Ministru katak iha asaun barak kontra estadu, entaun ministériu publiku presiza hametin kooperasaun ho governu," dehan PJR José ba jornalista sira iha palasiu Governu, Tersa (28/01).
Ba resposta husi PM Taur, PJR ne’e dehan, PM fó resposta ne’ebé pozitivu tebes no promete atu haree didi’ak kestaun ne’e.
“Par ba oin bele serbisu ho di’ak ho governu no ministeriu publiku mós bele kreativu liu tan”.
Kona-ba asuntu seluk relasiona ho prosesu kazu droga no kazu ro Haksolok, PJR hatete, asuntu rua ne’e nia parte la koalia ho PM Taur.