Ministra Saúde, Elia dos Reis Amaral hatete, iha ospitál nasionál kuandu pasiente tama barak balu toba iha rai, tanba dala-ruma kama la to'o.
"Loos duni pasiente balun sei toba iha rai, maibé la'ós lor-loron", dehan nia, iha Palásiu Governu, Kuarta (22/1).
Governante ne'e hatutan, relasiona ho pasiente ne'ebé sei toba iha rai, Ministra Saúde informa ona ba diretór ezekutivu atu hadi'a jestaun ne'e.
Alokasaun OJE tinan fiskál 2020 ba MS hamutuk tokon $58.413 ne'ebé fahe ba verba saláriu no vensimentu tokon $23.992, bens servisu tokon $14.723, tranferénsia públika tokon $11.282, kapitál menór tokon $2.661, no kapitál dezenvolvimentu tokon $5.756.
Husi deskrisaun ne'e rasik hatudu alokasaun OJE 2020 ba saláriu no vensimentu no mós bens servisu boot liu kompara ho kapitál dezenvolvimentu ne'ebé sei favorese ba públiku. (*)