Print this page

Deputadu PLP Hakarak Ministru Fidelis Tama iha Lista Remodelasaun

By November 20, 2019 7920

Tempotimor (Dili)-Deputadu husi bankada Partidu Libertasaun Popular (PLP) Sabino Soares Guntur hakarak atu Ministru Reforma Lejislatura Asuntu Parlamentar (MRLAP) tama iha lista remodelasaun bainhira lider Aliansa Mudansa ba Progresu (AMP) deside halo remodelasaun ba governu daualu.

Deputadu ne’e dehan, MRLAP merese tama iha lista remodelasaun tanba haree ba ninia serbisu ne’ebé la di’ak.

"Bazeia ba remodelasaun ne'e bele halo mudansa estruturál bele mós mudansa ba sistema, liu-liu Ministru Reforma Lejislativa Asuntu Parlamentar Fidelis Manuel Leite Magalhães ninia serbisu," dehan deputadu PLP iha Parlamentu Nasional (PN), Tersa (19/11/19).

Maske nune’e, deputadu ne’e rekoñese nia laiha poder atu foti desizaun, maibé desizaun ne’e iha lider AMP nia liman.

Maibé, deputadu ne’e karik remodelasaun mosu nia hakarak atu MRLAP tama iha lista remodelasaun.

Iha Partidu PLP, Guntur asume mos kargu hanesan vise Prezidente CPN no Fideliz hanesan vise Prezidente PLP.

Iha fatin hanesan, kona-ba remodelasaun, Prezidente bankada CNRT Duarte Nunes dehan kompetensia atu desiza remodelasaun iha lider AMP nia liman.

"(Remodelasaun) Ne'e normal, tinan rua ona, klaru presiza, se deskute dehan presiza ok, se la presiza, sira na'in tolu (Xanana, Taur, Naimori) mak sei deside hamutuk par koligasaun Aliansa Mudansa ba Progresu (AMP) ne'e la'o ba oin," dehan Duarte.

 

 

Rate this item
(1 Vote)
Last modified on Wednesday, 20 November 2019 07:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items