“Konsellu ministru aprova ona alterasaun balun ba projetu dekretu-lei, kona-ba rejime jurídiku komersializasaun ba substituisaun susu-been inan nian", dehan Minístru Prezidensia Konsellu Minístru, Fidelis Leite Magalhaes iha palásiu governu, kuarta (22/03).
Alterasaun projetu lei ne’e aprezenta husi Ministra Saúde, Odete Maria Freitas Belo no hetan ona aprovasaun.
Projetu dekretu-lei ne’e delibera ona iha sorumutuk konsellu ministrus iha loron 25 fulan-janeiru tinan 2023, maibé, tanba introdusaun husi alterasaun balun iha faze redasaun finál nian, presiza submete fali ba deliberasaun foun. (*)