Komisaun ne’e, PN nomeia deputadu sira husi Bankada Congresso Nacionál da Reconstrução de Timorense (CNRT) ho Partidu Demokrátiku (PD).

"Iha meza ne'e, hala'o hela nomeasaun ba membru Komisaun Eventual, Bankada CNRT no PD nian, ha'u hein katak, ohin loron ikus liu iha lokraik, nomeasaun ne'e sei hala'o, atu aban loron 21 komisaun ne'e, hahú servisu," dehan Prezidente PN, Aniceto Longuinhos Guterres Lopes iha plenária PN, tersa, (20/09).

Tanba ne'e, meza deklara baixa projetu Lei Revizaun ba Estatutu Deputadu sira-nian iha Lei Organizasaun no Funsionamentu Administrasaun Parlamentar (LOFAP) no Estatutu Funsionáriu Parlamentar sira-nian.

Tanba pakotu lei tolu, hetan ona rekoñesimentu no tuir termu rezolusaun númeru 103/V (5a) meza sei haruka diretamente ba komisaun eventuál. (*)