Tuir informasaun ne’ebé www.tempotimor.com, asesu iha pájina MAEE, segunda (08/08) katak, Membru Governu daualu ne’e mós esplika liután katak Governu estabelese ona komisaun organizadora ne’ebé mak sei selebra iha loron 30 Agostu 2022.

Komisaun organizadora realiza atividade iha fatin hothotu tantu iha munisípiu, ne’ebé mak nia lansamentu ne’e hahú ohin iha Dili.

Governu preve orsamentu por volta sem mil Dolares Amerikanu atu realiza atividade ida-ne’e.

Tanba atividade ne’ebé mak komisaun organizadora halo husi loron 05-30 Agostu ne’e hanesan Desportu Komunitária sira, ne’ebé mak halo iha Suku hothotu, ezemplu hanesan iha Dili, Suku sira halo kompetisaun ba desportivas sira mak hanesan Foot Ball, Volley Ball, iha nível Suku, Postu Administrativu no sei kompleta iha nível Munisipál.

“Ita m’os realiza atividades sira ne’ebé mak hanesan semináriu hodi halo reflesaun kona-ba selebrasaun loron Konsulta Popular nian, iha mós feira (Pameran), nomós konsertu muzikal ba loron 30 Agostu nian no sei halo mós Marsa Saudavél, marsa saudavel ida ne’e sei inisia iha rotunda Prezidente Nicolao Lobato to’o mai to iha Jardim 05 de Maio Kolmera e depois sei halo konsertu muzikal iha ne’eba”,

Ba komisaun organizadora pretende para konvida ema hothotu inklui Prezidente Repúblika atubele partisipa mós iha marsa saudavél ida-ne’e.

Iha seremónia lansamentu komemorasaun loron konsulta popular ba dala ruanulu-resin-tolu (23) ne’ebé hala’o iha Estadium Munisipál Dili ne’e partisipa husi Prezidente autoridade Munisipál Dili, Komandante PNTL Munisípiu Dili, Dirijentes Administrasaun Públika sira iha Governu sentrál no Munisipál Dili iha nível Munisípiu nomós Postu Administrativu, Reprezentante husi liña Ministeria sira, reprezentante husi Igreija sira, Embaxadór, no reprezentante husi Diplomata sira. (*)