Tuir informasaun ne’ebé www.tempotimor.com asesu iha pájina MAE, domingu (17/07) katak, Ministru Administrasaun Estatal, .Miguel hatete, reuniaun regular ho Primeiru Ministru atu atualiza kona-ba Preparasaun servisu Sekretariadu Tékniku PNDS ne'ebé mak atu implementa programa UKL Plus.
“Tinan ida-ne'e tuir Orsamentu aprovado iha Parlamento Nasionál atu fó materiál konstruksaun ba ita-nian populasaun sira. Ho millaun $25 para ita bele distribui materiál konstruksaun ba ita-nia populasaun halo uma kompletu komesa husi fondasi to’o kalen ho totál mínimu 1000 benefisiáriu nomós ita sei distribui kalen de’it ho kualidade di’ak ba ita-nia populasaun ne'ebé nia uma kalen feruzen hodi subtitui, hamutuk uma-ka’in liu 7000 iha territóriu Timor-Leste tomak”, esplika Ministru Miguel.
Programa ne’e, prossesu la’o hela iha Aldeia, Suku hothotu no iha Postu Administrativu sira bele dehan antes tinan 2022 remata programa ne'e sei realiza, implementasaun hahú ona iha fulan-juñu no identifikasaun benefisiáriu sira ohin loron la’o hela iha Aldeia no Suku sira. (*)
