“Bainaka ne'ebé konfirmadu atu mai mak hanesan Prezidente Portugál, Governadór Austrália, Primeiru Ministru Guiné Bissau, Ministru Desaramentu das Armas Nova Zelándia, Ministru Gabinete Primeiru Ministru Negósiu Estranjeiru Singapura no Xefe G7+, sira ne'e mak konfirma no sira sei sei konfirma”, dehan MNEK Adaljiza magno ba jornalista sira iha Palásiu Governu, kuarta (11/05).

Nune'e iha loron refere mós loron Komemorasaun Independénsia ba dala 20 ne'ebé sei realiza iha Tasitolu, Díli.

Alende ne'e Emabaxadór sira ne'ebé mak la iha Rezidénsia sira ne'ebé mak konfirma hamutuk 20 resin mak sei partisipa iha eventu boot refere.

“Ho Emabaxadór sira barak naun rezidentes Emabaxadór sira ne'ebé mak hela iha Austrália, Indonézia, Malázia, Singapura hamutuk 20-resin mak konfirma ona”, afirma nia

Bainaka sira ne'ebé mak to'o iha Timor balun sei to'o iha loron 17 molok 20 maiu no sei fila iha loron 23 fulan-maiu hafoin fó tomada de posse ba Prezidente Repúblika Eleitu, José Ramos Horta, ofisiál sai Prezidente Repúblika ba períodu 2022-2027. (*)