Tempotimor (Dili)-Komandante Operasaun Nasionál Polísia Nasionál Timor-Leste (PNTL), Superintendente Xefe Pedro da Costa Belo hatete, Komandu Jerál PNTL halo avaliasaun ba atividade seguransa serimónia Investidura Prezidente Repúblika (PR), José Ramos Horta no serimónia isár Bandeira ba komemorasaun restuaurasaun Independénsia ba dala XX la'o ho di'ak tebes.

“Ita hotu akompaña durante vizita ne'ebé maka iha no mós ita akompaña katak, serimónia investidura nomós serimónia ba isár Bandeira nian iha 20 de Maio ne'ebé mak ita hotu akompaña no ba hothotu la'o di'ak ho kapás e seguransa ba fatin hotu hotu la'o ho di'ak”, deklara Komandante Operasaun Nasionál, Superintendete Xefe Pedro da Costa Belo ba jornalista sira iha Sentru Formasaun Polísia Komoro, kuarta (25/05).

Kona-ba seguransa ba eskoltu ba Very Very Important Person (VVIP) no Very Important Person (VIP) mós la'o ho di'ak no situasaun hotu kontrola husi jerál tama bairu sira tanba membru sira ne'ebé kolokadu sira konsege implementa duni serbisu tuir orientasaun husi nia komandante sira.

“E mós parte husi eskoltu ba VIP mós la'o ho di'ak e mós akompaña situasaun jerál ne'ebé mak mak iha Dili laran iha Bairu sira buat hotu hotu la'o ho di'ak tanba ami-nia polísia sira ne'ebé mak iha terrenu sira implementa duni saida mak ami tau ona iha planu atu sira halo tuir”, haktuir nia.

Komandante Polísia Nasionál Timor-Leste (PNTL) Munisípiu Díli, Superintende Xefe Henrique da Costa hatete, serimónia sira ne'e PNTL hala'o seguransa ho di'ak nune’e sira la konsege rejista asidente grave ida.

“Serimónia Investidura nomós serimónia 20 de Maio ninian iha Palásiu Prezidensiál nian, Komandu PNTL munisípiu Díli, sira hala'o serbisu ho di'ak tebes e serimónia la'o di'ak, ita-nia membru sira ne'ebé ita koloka ita la serbisu remata ita la rejista Insidente boot ruma ne'ebé iha eventu refere”, dehan Komandante Henrique.

Maske akontese asidente tráfiku balun maibé PNTL klasifika ba kazu normál tanba la rezulta ema mate iha momentu serimónia Investidura no 20 de Maio 2022.

“Iha duni asidente tráfiku balun ne'ebé akontese maibé ita klasifika hanesan baibain tanba la rezulta ema ruma mate ita-nia parte tránzitu munisípiu Díli sira responde ho di'ak ida ne'e mak situaian real ne'ebé mak akontese iha periodu serimónia ninian”, haktuir nia.

Ba serimónia Investidura Prezidente Repúblika, José Manuel Ramos Horta ne'e Ekipa Seguransa ne'ebé apoiu Komandu Munisípiu Dili hanesan, Komandu Jerál, Unidade Espesiál Polísia (UEP), Unidade Polísia Maritima (UPM), hodi garante seguransa eventu nasionál refere.

Maibé iha fallansu balun ne'ebé mak PNTL hasoru aprezentasaun ona ba komandu Administrasaun hodi halo diskusaun no preparasaun másimu atu kontinua asegura eventu boot ne'ebé mak sei realiza iha tinan 2023 hanesan Eleisaun Parlamentár nian. (*)

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Dario Madeira, preokupa ho prezensa Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, ne’ebé mak hamriik iha liur hodi akompaña serimónia tomada pose Prezidente Republika (PR), José Ramos Horta, iha Tasitolu.

Tempotimor (Dili)-Prezidente Repúblika (PR), José Ramos Horta, agradese ba Governu daualu ne'ebé ho inísiativa realiza misa agradesimentu ba Serimónia toma pode ba Prezidente Repúblika foun inklui mós selebrasaun loron restaurasaun indepénsia ba dala 20.

“Ha’u nu’udar sarani no Prezidente Repúblika eleitu agradese inisiativa ne’ebé sai hanesan tradisaun ona. Kada eventu nasionál halo misa agradesimentu ba Na’i Maromak, nune’e fó bensaun ba rai Timor-Leste no povu tomak”, dehan nia hafoin partisipa misa agradesimentu iha Igreja Katedrál, kuarta (18/05).

Nu’udar Prezidente Repúblika sente kontente tanba rona amu Papa mós simu ona informasaun katak desizaun Parlamentu Nasionál deside atu apoiu adota deklarasaun pás mundiál ka fraternidade umana hodi kontinua follow up ho Governu atu haree oinsá deklarasaun ne’e adapta ba kurríkulu eskolár.

Tanba Intensaun ida ne’e, oinsá mak atu sosiedade tomak no jerasaun hothotu bele hakle’an liután sira-nia fiar ba dame, ba solidaridade no ba fraternidade.

Prezidente Komisaun Organizadora Serimónia Toma Pose Prezidente Repúblika no komemorasaun loron 20 maiu, Miguel Pereira de Carvalho hatete, eventu rua ne'ebé hala'o iha loron 19 no 20 maiu, ida ne'e nu’udar loron ne'ebé importante tebes ba Timór, tanba ne'e presiza inklina mós programa sira kona-ba misa agradesimentu. (*)

Tempotimor (Dili)-Komandante Unidade Espesial Polísia (UEP), Superintende Xefe Orlando Gomes hatete, nia parte prepara ona membru Korpu Seguransa Pesoál (CSP) 150 hodi sai eskoltu ba Alta Entidade Nasionál no Internasionál ne'ebé sei akompaña selebrasaun komemorasaun loron independénsia ba dala 20 no investidura ba Prezidente Repúblika Eleitu, José Manuel Ramos Horta iha Tasitolu.

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa hatete, sira sei prepara membru hodi fó seguransa másimu ba investidura ho aniversáriu Restaurasaun Indenpendénsia ba dala ruanulu (20) iha Tasitolu.

Tempotimor (Dili)-Vise Ministeriu Interior (VMI) hamutuk ho Komandante Jerál Polísia Nasionál Timor-Leste (PNTL) hahú diskute estratejia seguransa ba seremónia investidura Prezidente Repúblika foun no komemorasaun restaurasaun idenpendensia ba dala-20 iha Tasitolu.

Tempotimor (Dili)-Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno hatete, bainaka ne'ebé sei partisipa iha tomada de posse ba Prezidente Repúblika Eleitu, José Ramos Horta, iha loron 20 de Maio 2022, hamutuk 20 resin no sira seluk sei kontinua hein konfirmasaun.

Tempotimor (Dili)-Prezidente Komisaun Organizadóra ba sermónia tomada pose Prezidente Repúblika (PR) eleitu inklui selebrasaun loron restaurasaun independénsia dala-20, Minguel Pereira de Carvalho hatete, dadauk Prezidente Repúblika Portugál, Marcelo Rebelo de Sousa, konfirmadu ona sei partisipa serimónia tomada pose Prezidente Repúblika Foun, José Ramos Horta iha loron 19 fulan-maiu.

Tempotimor (Dili)-Primeiru Ministru (PM), Taur Matan Ruak, garante Eletrisidade de Timor-Leste, empreza públiku (EDTL,ep) sei garante ahi eletrisidade lakan normal iha serimónia tomada pose ba Prezidente Repúblika (PR) foun, José Ramos Horta no komemorasaun loron restaurasaun independensia 20 maiu.

Tempotimor (Díli)-Polísia Nasionál Timor Leste (PNTL) Munisípiu Díli prepara ona efetivu 336 atu asegura selebrasaun 20 Maiu ba dala-XX no tomada de posse ba Prezidente Repúblika foun.