Tempotimor (Dili)-Membru Rede Advokasia, Marciana Pereira hatete, Kandidatu Prezidente Repúblika bainhira hala'o kampaña iha públiku tenke ho materia ne'ebé edukativu atu labele hamosu linguajen provokativu.
“Kandidatu no Partidu Polítiku sira bainhira halo kampaña tenke ho Materia edukativu nune'e labele hamosu linguajen provokativu iha tempu kampaña eleisaun prezidensiál, nomós fó mensajen edukativu ba povu”, dehan Membru Rede Advikasia, iha Salaun Ministériu Solidaridade Sosiál no Inkluzasun, kinta (24/02).
Tanba ne’e, Kandidatu Partidu Polítiku sira tenke asegura katak atividade kampaña la'o ne'e laiha violénsia, durante períodu mobilizasaun massa, sei la mobiliza labarik ba kampaña, no sei halo kontrolu maka'as husi foinsa'e sira atu evita risku ba violénsia.
“Husu ba eskipa organizasaun husi kandidatu no partidu polítiku nian hodi kria mekanizmu atu labele husik labarik tama iha área kampaña polítika nian no halo komunikasaun ho báze hodi informa komunidade lokál kona-ba bandu partisipasaun labarik”, sujere nia.
Membru Rede Advikasiano nia parseiru hotu motiva ekipa organizasaun kandidatu no partidu politiku hodi halo área espesífiku iha fatin kampaña ba partisipasaun inan sira-ne'ebé kous. (*)