Tempotimor (Baukau)‐Durante loron tolu nia laran ne’ebé hahú husi loron 01 to’o 03 fulan-janeiru tinan 2022, Ospitál Regionál Eduardo Ximenes (HoREX-sigla portugues) Baukau rejistu pasiente hamutuk-75.

"Durante hahú husi dia 01 to'o dia 03 iha Ospitál Baukau iha sala emerjénsia rejista pasiente ne'ebé mak tama iha emerjénsia hamutuk-75," dehan Claudino, segunda (03/12).

Pasiente sira ne'e, na'in-7 monu ho motor kanek kaman, na'in-2 transferensia husi Munisípiu Lautém, monu ho motor, kondisaun tohar iha parte ain loos, iha pasiente na'in-7 konsidera violénsia domestika, pasiente na'in-5 hetan tuda husi ema deskuinesidu, iha mós pasiente na'in-2 diskorda malu, maibé  iha kanek kaman.

Nia dehan, pasiente na'in hirak ne'e, hafoin kurativu fila hikas ona ba ida-ida nia hela fatin.

Nune'e mós Ospitál HoREX rejistu paseinte labarik mane na'in-2 ho moras dengue inklui iha pasiente ne'ebé hetan asidente mout iha tasi Binagua Laga na'in-ida ne'ebé konsege lori ba HoREX, kondisaun enjeral la'o diak.

"Kazu sira ne'e, ba labarik maioria mak tee been ga bolu diaria mak barak ho iis boot, tanba ita haree fila fali ba kondisaun klima anin boot, dala ruma hahan la kontrola husi labarik kiik-oan sira entaun ida ne'e mak akontese ba labarik sira," nia esplika

Entertantu iha selebrasaun tinan foun 2022 ne'e Ospitál Baukau la rejista pasiente asidente inklui pasiente seluk ho moras grave. (*)