Xefe unidade farmasia HoREX Baukau, Edegar Fiderio da Silva, hatete, ai-moruk menus durante semana ida ona, nune'e hato'o pedidu ba Servisu Autónomo de Medicamentos e Ekipamentus da Saúde (SAMES), rejionál no nasionál liuhusi sistema dijitál, maibé hatan aimoruk laiha.
"Aimoruk kona-ba dioritik nian, antibiotik balun tablet laiha, aimoruk konsumavel urinbek laiha, vítamina ba inan isin rua laiha," dehan nia iha kna'ar fatin HoREX Baukau, kinta (21/04).
Nune'e, Ministéiru da Saúde, Odete Maria Freitas Belo, hatete, aimoruk ba espesialista nian sei falta, tanba ho situasaun pandemia covid-19 iha tinan 2021, halo SAMAES kompras tarde.
Maibé, parte Governu mós kontinua halo kontratu ho United Nations Developement (UNDP) hodi apoiu aimoruk balun hodi auguenta, ba item aimoruk ne'ebé dadaun laiha, parte SAMES kontinua esforsu hodi halo kompras.
"Maibé, tempu covid-19 ne'e la'os ona fasil hanesan uluk, uluk ne'e di’ak tanba kompañia sira fasil atu lori aimoruk mai ita, maibé ho covid-19 liu-liu folin sasan iha merkadu sa'e, signifika folin aimoruk mós sa'e," dehan Odete
Governu kontinua halo esforsu ho kompañia sira hodi lori aimoruk mai Timor-Lesre ho aviaun no ró, bainhira prezisa. (*)
