Print this page

Kazu Covid-19 Foun Hahú Tun, Rekuperadu 174 no Óbitu Na'in-1

By September 13, 2021 735
Covid-19 Timor-Leste. Covid-19 Timor-Leste. Foto Suplay

Tempotimor (Dili)-Koordenadór Forsas-Tarefas ba Prevensaun no Motigasaun Surtu Covid-19, Rui Maria de Aroujo informa, kazu Covid-19 foun hah'u tun tanba rejista de'it 84, rekuperadu hamutuk 174 no óbitu na'in-1 iha izolamentu.

"Kazu ne'ebé relata ohin, 13 setembru 2021 foun 84 ( Dili 44, Ermera 1 Baukau 11, Ainaro 2, Bobonaro 9, Manufahi 7, Vikeké 3, RAEOA 5), mane 35, feto 47 e rekuperadu 174 no totál óbitu na'in-1", dehan nia liuhusi komunikadu imprensa, segunda (13/09).

Husi totál kazu detetadu foun ho idade 20 na'in-8, ho idade entre 12-59 na'in-68, ho idade 60 na'in-6 nune'e kazu ativu 3.013 no totál komulativu kazu konfirmadu 13 fulan-Setembru 2021 (sura husi 21 Marsu 2020) hamutuk 18.597.

Iha mós óbitu na'in-1, matebian mane ho idade 65 hela iha Dili, seidauk simu vasina kompletu no ohin dader madrugada dighisnotiku covid-19 ho avc emorajiku iha HNGV nune'e matebian iis-kotu madrugada 01h19 iha HNGV. Família deside lori matebian ba uma.

Hahú husi loron 12 to'o 13 Setembru 2021, hamutuk hotu Laboratóriu Nasionál Saúde (LNS) halo 216 testes PCR iha Dili ho detalla hanesan vijilánsia sentinela 19, rastreiu ba kontaktu (contact tracing) 24, rastreiu aleatóriu (random screening) 31, viajen sai husi serka sanitária munisípiu Dili 37, viajen internasionál 58 no follow up iha kuarentena 47.

Rezultadu teste PCR ne’ebé halo iha loron 12 setembru, munisípiu sira seluk REAOA ho HNGV hamutuk 249, ho detalla hanesan Baukau 87, Ermera 5, Maliana 21, Maubisse 18, RAEO 9, Covalima-Suai 20, Vikeké 9, Lautein-Lospalos 10 no HNGV 70. (*)

Rate this item
(0 votes)
Last modified on Monday, 13 September 2021 22:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items