Tuir informasaun ne’ebé www.tempotimir.com asesu iha pájina ofisiál AIFAESA, sesta (31/03) katak, enkontru ne’e Inspetór Jerál AIFAESA, Ernesto Monteiro, hamutuk ho Diretór Operasionál, Viriato Paulo, no Xefé Seksaun Risku Ai-hán no Laboratóriu AIFAESA, Partisipa iha enkontru urjente hodi relata rezultadu teste ba Mina Symphoni ne'ebé daudaun ne'e halo teste Laboratoriál iha Laboratóriu nasionál saúde.

Tanba teste ne’ebé halo iha laboratóriu nasionál ne’e, tanba ligadu ho kazu mina-tein Shymponi ne'ebé diskonfia rezulta sintomas ba komunidade sira ne'ebé konsumu produtu refere.

Enkuantu iha enkontru ne'e, halo mós diskusaun ba rezultadu teste provisóriu refere, hodi halo kompleta rezultadu ba Mikro Kimiku, sei entrega ba parte AIFAESA ne'ebé envia amostra ba halo teste iha Balai-POM Kupang Indonézia, iha tempu badak nia laran.

Entertantu, partisipa iha enkontru ne'e husi Ministériu Saúde, Laboratóriu nasionál saúde, AIFAESA, MTCI, IQTL, no Tane Konsumidór, enkontru hala'o iha Salaun Ministério Saúde Kaikoli, Díli. (*)