"Óbitu ne’ebé relata ohin, 10 Agostu 2021 na'in-1 (ida) Mane ho idade tinan 71, Timoroan, enkamiña husi Ospital Referénsia Eduardo Ximenes (HoREX) Baukau iha 7 Agostu 2021 ho diagnóstiku SIRA (Sindroma Insufisiénsia Respiratória Aguda) Xoke Séptiku ho Pneumonia tamba Covid-19 (rezultadu PCR, 5/8/2021: CT Egene 36.8, N2 gene 40.3)”, dehan nia liuhusi komunikadu imprensa, tersa (10/08).

Iha loron ne’e kedas ekipa médika espesializada halo tratamentu tuir protokolu no iha loron 9 fulan-agostu, matebian iís-kotu tanba multiple organ failure.

Tanba ne’e, rezultadu PCR post mortem (hafoin iis-kotu) negativu. Família lori mate-isin ba haloot iha munisípiu Baukau. (*)