Deputada bankada CNRT Lusia Taeki hatete, Mesmu Timor-Leste seidauk iha ema ida mate ba covid-19, maibé iha kazu transmisaun lokál, nune'e governu liuhusi WHO identifika ona atu halo prevensaun husi vaksina AstraZeneca bazeia ba temperatura nasaun ne’ebé hetan 2⁰C to'o 8⁰C.
Maibé, governu tenke identifika didi’ak vasina AstraZaneca ne'e, bele ka lae atu responde ba transmisaun lokál Covid-19.
Tanba ko’alia kona-ba prevensaun ne'e signifika atu hadok ema husi moras covid-19, no fó vaksin atu aumenta ema ina imunidade, maibe lakoi atu fó fali moras seluk.
"Tanba ita haree iha mídia sosiál, ka facebook, nasaun balun rejeita, ha’u fó ezemplu de'it nasaun Tailándia, ne’ebé mak sira-nia primeiru ministru rasik rejeita ho vaksin AstraZaneca, tanba de'it, wainhira ita sona tiha ema ida nia halo fali pembekuandara”, dehan nia, iha Parlamentu Nasionál, kinta (18/03).
Pozisaun CNRT liuhusi komisaun F, sei fó hanoin filafali atu bolu Ministra Saúde ho nia estrutura, hodi bele haree oinsá atu diskute klean liután.
"Ami sei haree tanba liga ho moras ne'ebe mak agora dadauk akontese”, hatete nia.
Deputadu Bankada Partidu Demokratiku, Adriano do Nacimento, husu governu atu haree lai kestaun vaksin tanba tuir ema matenek balun iha nasaun balun, ne’ebé sira ho laboratóriu identifika vaksin AstraZaneca, dehan katak ne'e la dun di’ak ba ema nia saúde.
"Ha’u hanoin ne'e kestaun téknika, se nasaun 10 resin mak rejeita, ne'e nasaun ida la'ós nasaun ki’ik ne'e, maibé ne'e nasaun sira avansadu, hanesan iha Europa ne'eba, entaun ha’u hanesan polítiku ida ha’u sujere ba governu atu tetu didi’ak”, haktenik nia.(*)