Portavoz Sentru Integradu Jestaun Krize (SIJK) Odete Viegas hatete, pasiente na'in lima ne'ebé tama dahuluk iha fatin izolamentu halo ona teste, maibé iha balun nafatin mantein pozitivu.
"Atu informa katak sira ne'ebé pozitivu hahú primeiru dia iha ida depois tuir mai na'in rua no tuir tan mós rua ne'e, sira daudaun submete fali ba teste iha laboratoriu i (rezultadu) teste balun hatudu pozitivu no balun negativu," dehan Odete iha Sala Situasaun Sentru Konvensaun Dili, Kuarta (22/04).
Ba sira ne'ebé rezultadu teste hatudu negativu, nia dehan, sei tuir tan teste dala ida no bainhira hatudu negativu nafatin, sira bele sai ona husi fatin izolamentu no muda ba kuarentena.