"Agora ita prepara hela Esbosu lei direitu do autór Sekretáriu Arte Kultura, Ministériu Turizmu hamutuk ho Ministériu Edukasaun no Ministériu Ensinu Superior hamutuk komisaun G ita prepara ona Esbosu lei direitu do autór kuandu hetan ona aprovasaun iha Parlamentár Nasionál no Prezidente promulga, lei ne'e aplika ona ema labele halo copy paste sasán sira ne'e”, dehan Teófilo ba jornalista sira iha Salaun Laline Larigutu, Kolmera, (28/01).

Tanba dadaun ne'e Komisaun G iha Parlamentu Nasionál halo hela análiza, no tempu tuir sei aprezenta lori ba plenária hodi halo diskute.

Ministru Turizmu Komersiu no Industria (MTKI), Lucas do Carmo hatete, kona-ba haree assuntu tais atu ema seluk labele Copy Paste tais Timór ne'e assuntu transversal ne'ebé presiza mak taís orijinál sira.

"Sim ita, iha regra ba ida ne'e, se ita-boot sira akompaña didi’ak karik, assuntu transversal, Ministériu lubuk, sekretáriu estadu lubuk ida servisu hela oinsá mak halo preservasaun ba taís lokál orijinál Timór nian”, afirma nia.

Relasiona ho assuntu bele Ministériu ida-idak mak ho nia assuntu rasik no dadaun ne'e diskute ona no aprezenta ona ba Parlamentu Nasionál.

Tanba Taís Timór ne'ebé mak iha ne'e kualidade liu duké ropa estranjeiru sira ne'ebé mak importa mai iha Timór.

"Ko'alia kona-ba ba produtu tais Timor ninian, laiha ema ida kompete ho ita-nia produtu taís orijinál, saída mak iha ne'e produtu seluk, label kompara ho ita-nia produtu ne'ebé ita-nia inan feto sira halo ho maneira no meius oin seluk loos”, dehan nia.

Tanba ne’e, Governu iha dever atu prezerva, konserva, eransa sira ne'ebé mak beiala husik hela ba jerasaun foun sira. (*)