“Tanba dadaun ne'e situasaun ne'ebé mak ladún favoravel ba ita, e orsamentu mós iha situasaun Covid-19 nia, ne'e mak agora ita prepara ita-nia steak colour hothotu, liña Ministérial sira prepara atu formula filafali PAN 1325 nia ba faze daruak. Ita espera katak ita bele aselera ida ne'e, no bele lansa ona iha Fin do ano, Novembru hanesan ne'e”, dehan Joaquin José iha nia kna’ar fatin, Kaikoli, kinta (19/07).
Maibé sei nafatin konkretiza ba planu sira ne'ebé mak iha hodi reforsa igualdade jeneru nia no tau sensibilizasaun ba jéneru ne'e sai hanesan prioridade dahuluk.
Ba atinjimentu iha faze primeiru ne'e, konsege fó sensibilizasaun ba instituisaun hothotu kona-ba importánsia sensibilidade ba jéneru nia, no iha instituisaun sira hotu fó prioridade ba jeneru sira.
“Nune'e ita-boot sira hare iha diresaun nasionál komunitaria ne'e ita iha mediadór barak mak feto, tanba ida ne'e mak ita tenke hasa’e nafatin nia kapasidade ba ita-nia mediadór sira ne'e”, dehan nia.
Tanba iha komflitu sira ne'ebé mak akontese barak iha sosiedade, mediadór sira ne'ebé mak ativu liu no bele rezolve maka’as liu situasaun sira ne'e maioria mediadór feto hotu, tanba ida ne'e mak Governu reforsa nafatin atu mediadór sira bele rezolve nafatin no ativu nafatin komflitu sira iha sosiedade nia leet.
Ba implementasaun programa mediasaun sensivel ba jéneru Planu Asaun Nasionál (PAN) 1325 iha faze dahuluk hahu iha tinan 2016 to’o iha tinan 2020 no faze daruak sei hahú iha fulan-novembru tinan 2021 to’o 2025. (*)