Tempotimor (Dili)-Sentru Integradu Jestaun ba Krize (SIJK) iha loron 05 fulan-maiu tinan 2021, rejistu tan kazu pozitivu covid-19 foun hamutuk 133, maioria iha iha munisípiu Dili.

Tempotimor (Dili)-Sentru Integradu Jestaun ba Krize (SIJK) iha loron 04 fulan-maiu fó sai katak Timor-Leste rejistu ona kazu pozitivu covid-19 foun na'in-129,  ne’ebé mai husu munisípiu Dili 102, munisípiu seluk 27. 

Haree ba kazu pozitivu sira ne’e mak kazu ativu iha hela izolamentu hamutuk 1315, no totál kazu konfirmadu kumulativu iha loron 4 fulan-maiu tinan 2021 (sura husi 21 marsu 2020) hamutuk na'in-2653.

“Kazu detetadu foun na'in-129, husi munisípiu Dili 102 munisípiu seluk 29, mane 89 no  feto 40, iha kazu rekuperadu na'in-69 no kazu ativu 1315”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, tersa (04/05).

Rezultadu husi totál kazu detetadu foun 56 (43,3%) halo teste ho razaun atu halo viajen ba munisípiu ka estranjeiru hafoin deteta pozetivu.

Durante loron rua nia laran hahú husi loron 4 fulan-maiu hamutuk hotu Laboratórium Nasionál Saúde (LNS) halo 105 testes PCR iha Dili ho detallu hanesan, vijilánsia sentinela 62, rastreiu ba kontaktu (Contact tracing) 104, rastreiu aleatoriu (Random Screening) 348, viajen sai husi serka sanitária Munisípiu Dili 422, viajen internasionál 39 no Follow up iha kuarentena 30.

Totál testes PCR ne’ebé halo iha loron 3 fulan-maiu iha Munisípiu sira seluk hamutuk 464, ho detalla mak hanesan  Baukau 163, Ermera 53, Maubisse 133 RAEOA 11, Suai 62 no Vikeke 42.

Teste follow up ba sira iha fatin izolamentu 94 (70 negativu ona, 24 sei nafatin pozitivu). (*)

Tempotimor (Dili)-Sentru Integradu Jestaun ba Krize (SIJK) rejistu kazu rekoperadu durante oras 24 nia laran, iha loron 03 fulan-maiu tinan 2021 hamutuk 82, no kazu pozitivu Covid-19 foun 80.

Haree ba kazu foun pozitivu covid-19 na'in-80 ne'ebé kompostu husi munisípiu Dili 75, munisípiu seluk 5, no totál kazu konfirmadu kumulativu iha loron 03 fulan-maiu tinan 2021 (sura husi 21 Marsu 2020) hamutuk na'in-2524.

“Kazu detetadu foun na'in-80, husi munisípiu Dili 75, munisípiu seluk 5, mane 40, feto 40, kazu rekuperadu na'in-82, kazu ativu 1255”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikandu imprensa, segunda  (03/05).

Husi totál kazu detetadu foun ho idade tinan 12 na'in-1, ho idade entre tinan 12-59 na'in-78 (97,5%) no idade 60 na'in-1.           

Rezultadu husi totál kazu detetadu foun 38 (47,5%) tanba halo teste ho razaun atu halo viajen ba munisípiu ka estranjeiru hafoin deteta pozitivu.

Durante loron rua nia laran, Laboratórium Nasionál Saúde (LNS) halo 468 testes PCR iha Dili ho detalladu hanesan, vijilánsia sentinela 7, rastreiu ba kontaktu (Contact tracing) 142, rastreiu aleatoriu (Random Screening) 109, viajen sai husi serka sanitária Munisípiu Dili 191, viajen internasionál 7 no Follow up iha kuarentena 12. 

Totál testes PCR ne’ebé halo iha loron 3 fulan-maiu iha Munisípiu sira seluk hamutuk 256, ho  detalladu  hanesan, Baukau 136, Maubisse 99, Suai 13 no Vikeke 8.

Aliede ne’e informasaun husi izolamentu iha loron 3 fulan-maiu tinan 2021 halo tratamentu ba kazu detetadu na'in-23, iha área obstrisia na'in-5, sirurjia 1, medisina interna na'in-13 pediatria na'in-5

“Sira na'in-5 iha obsterisia, kategória moderadu hotu, sira-nia kondisaun estável, sira na'in-14 iha medisina interna 4 grave (uza hotu oksijéniu) na'in-9 moderadu”, informa nia.

Maibé, kazu 5 pediatria, 4 moderadu, 1 grave, na'in-1 grave uza CPAP no 4 moderadu la uza ona oxijéniu. (*)

Tempotimor (Dili)-Sentru Integradu Jestaun Krize-Sala Situasaun (SIJK-SS) deteta tan kazu foun pozitivu covid-19 iha territóriu Timor-Leste hamutuk 120, maibé Munisípiu Dili mak kontinua okupa iha primeiru lugár ho kazu 116.

Koordenadór Forsa-Tarrefa ba Prevensaun no Mitigasaun Surtu Covid-19, Rui Maria Araújo deklara, kazu detetadu foun ne'ebé relata iha loron 01 fulan-maiu 2021, hamutuk 120, iha Kapitál Dili kazu 116, no kazu haat seluk deteta iha Munisípiu sira.

"Husi totál kazu detetadu foun ohin, mane 62, feto 58. Asintomátiku nain 114 (95%), 51 (42,5%), mak deteta pozitivu tanba halo teste ho razaun atu hala'o viajen ba munisipiu ka estranjeiru", hateten Rui liuhusi karta komunikadu ne'ebé www.tempotomor.com asesu iha Segunda (01/05).

Totál kazu konfirmadu komulativu sura husi loron (21/04) iha ona 2396, rekpuradu iha 43, no totál kazu ativu ba loron sábadu (01/05) 1239.

Durante loron rua, Laboratóriu Nasional Saúde (LNS) 1169 mak testes PCR iha Díli, ho detalladu, izilánsia sentinela iha 70, restreiu ba kontatu 147, restreiu aleatóriu 334, sira ne'ebé viájen sai husi serka sanitária iha Munisípiu Dili iha 575, viajen internasionál iha 8, follow up iha kuarentena hamutuk 55.

Totál teste PCR ne'ebé halo iha loron 30 fulan-abríl iha Munisípiu sira seluk hamutuk 328, mak Baukau 165, Ermera 50, Maliana 42, Maubisse ho RAEOA laiha, Suai 20, no Vikeke iha 51.

Teste follow up ba sira iha fatin izolamentu hamutuk 62, na'in-43 negativu ona, maibé na'in-19 sei nafatin pozitivu. (*)

Tempotimor (Dili)-Adminitradór Munisípiu Lautein, Domingos Sávio hatete, dadaun ne'e númeru kazu pozitivu Covid-19 iha Lautein hamutuk na’in-13, maibé situasaun kontroladu.

Ho númeru kazu pozitivu ne’ebé iha mak Governu liuhusi konsellu Ministru fó sai serka sanitária ba Munisípiu sia inklui mós Lautein iha loron kinta (29/04) ba loron 14.

Maske nune’e, situasaun iha Munisípiu Lautein ho kazu ne’ebé tama iha kategória esporadiku durante ne’e.

"Situasaun la’o normal, tanba ami ne'e la’ós área afeitadu maske iha ne'e pozitivu sa’e ba 13 pesoál maibé ita kontroladu hela tanba sira ne'ebé mai husi Dili mak lori mai ita tau iha kuarentena sira ne'e mak ita deteta sai pozitivu, ita lahetan sira (covid-19) iha komunidade nia leet”, dehan Domingos ba www.tempotimor.com liuhusi telemóvel, sábadu (01/05).

Antes ne'e, Adminitradór Lautein rasik propoint atu Munisípiu Lautein seidauk nesesita atu aplika Serka Sanitária (SS) maibé governu deside ona.

Maibé, Munisípiu Lautein seidauk hetan ajudu umanitária ruma hanesan hahán no prosesu distribusaun sesta bázika mak semana kotuk hahú implenta hikas tuir protokolu saúde.

Ba prosesu vasina ne'ebé inplementa ba front line iha Munisípiu Lautein rasik remata ona mesmu iha komunidade barak mak hakarak vasina.

"La’o di’ak, so que front line de’it. Iha ne'e ita-nia komunidade mós hakarak vasina maibé tanba ai-moruk (vasina) mak limitadu ne'ebé seidauk vasina komunidade sira”, dehan nia. (*)

Tempotimor (Dili)- Komandante Seguransa, Polisia Nasional Timor-Leste (PNTL) destaka iha Parlamentu Nasional (PN) hamutuk ho asesor ida husi Bankada Fretilin pozitivu Covid-19.

Pesoál na’in-2 ne’ebé detetadu pozitivu Covid-19, bainhira tuir teste swab iha PN, loron 28 fulan-abril ho rezultadu fó sai iha loron 30 fulan-abril tinan 2021.

Tuir fonte ne’ebé lakohi www.tempotimor.com públika nia naran, hatete rezultadu laboratóriu hatudu na’in-2 ne’ebé pozitivu hanesan komandante PNTL inisial AQ no asesor ida iha Bankada Fretilin, TL.

"Sim, tuir rezultadu laboratóriu mak hatudu teste SWAB ne'ebé hala'o iha Parlamentu Nasionál na'in-rua mak pozitivu, komadante Seguransa ho Asesor ida bankada FRETILIN nian", dehan fontes ne'e ba mídia sira iha PN, (30/04).

Tanba ne’e, pasiénte na’in-rua sei evakua ba izolamentu ne’ebé preparadu ona iha Kapitál Dili hodi hetan asistensia husi médiku sira. (*)

Tempotimor (Dili) - Tuir planu traballadór Timoroan na'in-51 sei aranka ba nasaun Korea súl iha loron tersa, 30 fulan-marsu tinan 2021, maibé balun komfirmadu pozitivu Covid-19.

Diretór Ezekutivu Diresaun Nasionál Empregu Exterior (DNEE) husi Sekretáriu Estádu Formasaun Profisionál no Empregu (SEFOPE), Filomeno Soares hatete, númeru traballadór 51 mak atu aranka ba Korea, maibé iha balun tuir teste SWAB la liu, nune'e aban mak bele hatene klaru, hira mak atu ba.

"Atu fó hatene de'it katak ha’u foin simu informasaun kalan ne'e dehan katak, husi traballadór 51 teste PCR ne'e iha balun mk laliu, aban (30/03) ita rona lós”, dehan Diretór ne'e ba www.tempotimor.com, segunda (29/03).

Traballadór ne'ebé atu ba Korea ne'e, antes servisu ona iha ne'eba, kontratu hotu fila tiha ona mai Timor-Leste, maibé kompaña mak presiza fali, entaun sira tenke ba fali Korea do Sul.

"Totál traballadór ne'ebé aban ba Korea 51 pesoál, husi sira ne'e traballadór tuan hotu ne'ebé servisu tiha iha Korrea no agora sira-nia empregadór mak persiza nafatin sira hodi fila ba kontinua servisu”, informa nia.

Traballadór balun ne’ebé aranka ba Korea ho Aviaun Citilink hanesan pasajeiru bai-bain. (*)

Tempotimor (Dili) - Númeru kazu pozitivu Covid-19 iha loron tersa (23/03) ne’ebé fó sai husi Sentru Integradu Jestaun ba Krize (SIJK) aumeta 14 no Munisípiu Vikeke aumenta kazu 2.