Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, husu ba komunidade iha Suku Motael, Postu Administrativu Vera Cruz, atu kooperasaun Instalasaun sistema Digital transmisaun Multimedia Terrestre (DTMT) liuhusi Rádiu no Televizaun  Timor-leste, empreza públika (RTTL,ep).

Tempotimor (Covalima)-Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira  Jerónimo, lansa Programa Naroman ba Suku iha suku Dato-Tolu, Postu Administrativu Fohorem, Munisípiu Covalima.

“Programa Naroman ba Suku ne'e, primeiru sei fasilita komunidade no joven sira liuhusi kapasitasaun iha área jornalizmu oinsá sira bele kobre potensialidade ne’ebé suku iha hanesan agrikultura, turizmu no rekursu importante seluk”, dehan Ministru Francisco iha suku Dato-Tolu, Postu Administrativu Fohorem, Munisípiu Covalima, kinta (5/08).

Tanba Governu nia programa ne'e lori ba povu nia leet, hodi rona povu nia hakarak, atu hatene komúnidade sira-nia preokupasaun, rona saida mak komunidade sira hakarak aprezenta ba governu.

Tuir planu governu iha povu nia leet ho Programa Naroman ba Suku, no hili suku sira ne'ebé hela iha área remota.

“Atu nune'e motiva ita-nia komunidade sira motiva ita-nia populasaun ida atu sente labele izoladu, atu nune'e dezenvolvimentu ne'ebé la'o dadaun ne'e mós bele hakat to’o iha sira-nia fatin, tanba ne'e ita lori Programa Naroman ba Suku mai iha Dato-Tolu”, afirma Ministru.

Tanba ida ne'e meius ne'ebé mak governu hakarak halo, nune'e hakbesik-an ba povu nomós povu bele koñese no hahú intende malu oinsá mak bele dezenvolve rai ida ne'e liliu saida mak bele akontese iha suku Dato-Tolu.

“Programa ida ne'e ki'ikoan ida ne'ebé mak ami bele halo ba ita-boot sira ida ne'e buat ki’ik ida ne'ebé ami halo ba ita-boot sira, ami hein katak ida ho ki’ik ne'e tau hamutuk no loron ida sei sai boot”, hatete nia.

Xefe Suku Dato-Tolu, João Agostinho Resi, sente orgullu ho programa Governu nia tanba bele hasai suku husi izoladu no tama iha suku dezenvolvimentu.

“Hodi komúnidade datoluk nia naran hato'o agradese uain tebes ba programa Oitavo Governu nia ne'e, tanba suku ida ne'e uluk okupasaun Indonézia to’o mai ukun-an ema temi hanesan suku mais izoladu iha Munisípiu Covalima”, dehan nia.

Partisipa iha atividade lansamentu ne'e, Administradór Postu Administrativu Fohorem, Prezidente TATOLI,ip, ekipa TIC, Komadante Eskuadra PNTL Fohorem, Diretór Planeamentu no Diretór DNDI, asesór MAPKomS, Xefe suku, Xefe Aldeia, Komúnidade no entidade relevante sira seluk. (*)

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Martins Jerónimo informa, projetu konstrusaun edifísiu foun ba Rádiu Televizaun Timor-Leste-empreza públika (RTTL,EP) sei hahú iha tinan 2021.

Tempotimor(Dili)- Ministru Asuntu Parlamentar no Komunikasaun Sosial (MAPKomS), Francisco Martins Jerónimo hatete, governu sei hadi'a kondisaun infraestrutura Rádiu no Televizaun Timor Leste, Empreza Públika (RTTL,EP) atubele fornese informasaun ba publiku ho di'ak.

Tempotimor (Dili)- Ministru Asuntu Parlamentar no Komunikasaun Sosial (MAPKomS), Francisco Jerónimo, promete sei hadi’a antena transmiter rádiu komunidade sira ne’ebé aat.

Maibé, sei hein situasaun covid-19 la'o normal hafoin parte tékniku ba rádiu hadi’a hodi bele fasilita filafali informasaun ba komunidade sira.

Problema ne’ebé rádiu komunidade enfrenta mak kondisaun balun di’ak no balun seidauk seidauk, maibé sei bele haree hafoin pandemia remata.

“Ita-boot sira-nia antena, dalaruma transmiter aat beibeik, tau anin entaun halo sasán sira ne'e at hotu, maibé situasaun normal, sei fó instrusaun ba sira ne’ebé toma konta ba rádiu, atubele hadi'a sasan”, dehan Francisco wainhira halo konferensia Zoom ho responsável rádiu komunidade, Palásiu governu, sesta (30/04).

Maibé, kona-ba edifísiu la di'ak no komputer laiha ka aat, sira toma nota no sei halo diskusaun ho liña ministerial hodi bele kompleta.

“Ha’u hanoin ita presiza halo tanba ami mós hakarak ita-boot sira servisu la'o ba oin, ita-boot sira servisu la'o ho di'ak buat ne'ebé aat ita hotu hamutuk atu hadi'a tanba buat hirak ne'e sai preokupasaun ba ita hotu nia”, afirma nia.

Ba preokupasaun ne’ebé hato’o husi responsável rádiu komunidade, Ministériu la promete hodi responde hotu, maibé sei fasilita buat balun ne’ebé presiza.(*)

Tempotimor(Dili)-Ministru Asuntu parlamentar no komunikasaun sosial(MAPKomS), Francisco Martins Jerónimo hatete, mídia presiza servisu hamutuk hodi halakon hanoin negativu iha públiku.

Tempotimor(Dili)- Ministru Asuntu Parlamentár Komunikasaun Sosiál (MAPKomS), Francisco Jerónimo ninia vizita ba kada média elektronika no imprimi iha tinan 2020 liu-ba, ho hanoin ida atu garantia funsionamentu média sira nian.

Tempotimor (Dili)-Ministru ba Asuntu Parlamentár no komunikasaun Sosial (MAPKOMS) Francisco Martins Jerónimo, Rekoñese agora dadauk ninia funsionariu balun salariu seidauk tama tanba la integra iha sistema.

Tempotimor (Díli)- Ministériu Asuntu Parlamentár no Komunikasaun Sosiál (MAPKOMS), ne'ebé lideradu husi Francisco Martins Jerónimo, desidi sei aprezenta proposta lei kona-bá rádiu funsaun ba Parlamentu Nasionál (PN), hafoin entrega fila-fali ba deputadu sira hanesan projetu lei ida.

Tempotimor (Díli)- VIII Governu liu husi Ministériu Asuntu Parlamentár no Komunikasaun Sosiál (MAPKomS), haruka ona karta resposta husi Ministériu nian, kona-bá  preokupasaun hirak ne'ebé levanta husi deputadu sira, durante iha plenária.