"Ha'u hakarak informa klaru de'it katak, ita nia preparasaun masimu ona agora, rekrutamentu brigadista ita halo tiha ona, agora ita hein de'it rekrutamentu ba polingstaf, agora ita hein de'it halo rekrutamentu ba poling staf hamutuk rihun-1.500, maibé ne'e seidauk,"dehan Diretór STAE Baukau, Lucio Freitas Salvador iha kna'ar fatin vila nova, segunda (17/01).
Logistiku STAE Baukau preparadu, tanba iha sentru votasaun pur-volta 500 kabinas de votus, hodi koloka ba estasaun votasaun nian minimu-3.
Nia afirma, eleitóres aktualiza no resensiamentu iha Munisípiu Baukau hamutuk rihun 95.883.
"Ita agora dadauk ne'e iha rihun 95.883 eleitores ne'ebé mak aktualiza no mós resensia sira ne'ebé mak resensia ne'e iha rihun-3 resin, iha 2020 ita iha rihun 92, 500 resin, tanba ne'e ita iha rihun 95,883, ne'e sei aktualiza iha Baukau no mós resensiamentu iha Baukau," dehan Lucio
Maibé, STAE Baukau sidauk sinkroniza loos, tanba ne'e, iha (ohin) loron 17 fulan-janeiru tinan 2022 lori ona sistema ba nasionál hodi halo sinkroniza atu hatene lolos mantein númeru eleitores ou la'e, tanba sistema sentral iha nasionál bele mós sidadaun Baukau halo aktualizasaun no resensiamentu eleitoral iha nasionál.
"Tanba ne'e, ita servisu namanas hela liuhusi pontu fokal ho brigadista sira ne'ebé foin lalais rekruta ne'e sira servisu hela rekolla sira ne'ebé mate no mós ne'ebé mak dupla," nia hatete
Dadaun, STAE Baukau rekolla ona eleitores ne'ebé mate hamutuk rihun-ida resin eleimina ona husi sistema hamutuk atus-5 resin.
Entertantu, STAE Baukau rekruta ona brigadista hamutuk na'in-125 tuir sentru votasaun iha Munisípiu Baukau. (*)