"Lakon servísu tanba Covid-19 kuaze ema na'in-rua husi ema na'in-lima (pursentu 39.3) ne'ebé servísu iha ekonomia merkadu iha Marsu 2020 relata katak sira lakon sira-nia serbisu tanba pandemia Covid-19, pelu menus iha períodu balun”, relata Dolgion Aldar liuhusi nia livru sumáriu Ezekutivu avaliasaun ezekutivu impaktu Sosiu-Ekonómiku husi Covid-19 iha Timor-Leste, daruak, 2021 ne'ebé asesu iha, sábadu (13/11).

Mane barak liu mak lakon servisu liu oituan duké feto liliu servisu ka atividade ne'ebé la'ós merkadu nian.

"Lakon serbisu afeita mane barak liu oituan duké feto pursentu 42.0 no 36.0 afeita ba grupu idade 25-39 husi populasaun iha Dili ne'ebé la'ós rezidnte Dili”, dehan nia.

Razaun lakon servisu tanba impoin restrisaun ba atividade, nune'e mós bandu viajen iha rai laran no ema tauk ba infesaun Covid-19.

Impaktu serbisu no hamosu dezempregu tanba pandemia Covid-19 no aplika Etadu Emerjénsia (EE) nune'e mós Konfinamentu Obrigatóriu (KO) iha impaktu oioin ba ema nia empregu no atividade sira ne'ebé la'ós merkadu. (*)