Makina sira ne'ebe iha atu produs ai-han hodi garante hamenus importasaun ai-han husi rai liur.
"Makina hirak ne'e liu-liu ba koperativa setoral para depois bele utiliza makina sira ne'e", dehan Sekretaris Estadu, Arsenio Pereira da Silva, iha Beduku, Komoro-Dili, Kuarta (8/1).
Nia dehan, makina sira ne'e governu transfer osan ba orgnigasaun (Movimentu Kamponezas Timor-Leste) MOKATIL depois sira rasik mak sosa liu husi asembleia traballu.
Governu mos iha planu para ba oin SEKoop sei servisu hamutukk ho grupu kooperativa atu fornese merenda eskolar husi ba ensinu baziku no pre-sekundaria sira.
Ba utilizasaun makina sira ne'e, nia dehan, SEKoop iha ekipa ida atu monitoriza no akompaina prosesu utilizasaun iha terenu tanba antes fokal poin husi SEKoop monta ona iha kada munisipiu.
Iha Fatin hanesan, Prezidente MOKATIL, Helio Dias da Silva hateten, makina sira oferse ba agrikultor sira apoiu husi orsamentu governu iha tinan kotuk hamutuk rihun $880.
Makina sira ne'e sosa iha Indonesia, nune'e kontainer haat maka to'o ona iha Timor no neen maka sei iha Ponte kais.
Nia sublina, makina sira sei tau iha sentru integradu iha postu administrativu 65 teritoriu laran tomak.