Tuir informasaun ne’ebé www.tempotimor.com, asesu iha pájina MF, kinta (11/08) katak, fonte reseita ne'e maioria mai husi portu, aeroportu, fronteira Batugade no Salele.
Tanba tuir previzaun, to'o iha tinan ida-ne'e nia rohan Autoridade Aduaneira bele hetan reseita aduaneira liu fali tinan kotuk ne'ebé ho montante totál millaun $67,9.
“Iha tempu badak nia laran, Autoridade Aduaneira sei muda sai husi Portu Díli ba Portu Baía Tibar. Ita espera katak ho kondisaun servisus foun ne'ebé di’ak liu ne’e, bele kontribui ba hasa’e tan ita-nia reseita mai kofre Estadu hodi hamenus ita-nia dependénsia ba Fundu Minarai”, hatete Ministru Finansas, Rui Gomes.
Tanba daudaun ne'e Ministériu Finansas implementa hela Reforma oioin, hanesan iha fulan hirak tuir-mai, sei avansa ho Lei Tributária no instrumentu sira seluk atu fó mós kbi’it ba Autoridade Tributária atu bele rekolla tan reseita, halakon evazaun fiskál no aumenta efikásia iha administrasaun rekolla reseita doméstika. (*)