“Ha'u nia lia-menon ba estudante sira ne'ebé agora eskola. Agora oportunidade ba joven no estudante sira agora imi foku liliu ba estuda”, dehan nia ba www.tempotimor.com iha edifísiu Postu Administra Uatulari, sesta (05/08).
Dadaun inan-aman no katuas-ferik barak mak la matenek tanba iha tempu okupasaun invazaun Indonézia nian, sira-nia esforsu mak luta ba independénsia Timor-Leste nian tanba ne'e laiha oportunidade atu eskola.
Maibé agora Timor-Leste hamrik ona hanesan nasaun independente ida, tanba ne'e presiza hakaas-an estuda atu hetan matenek.
Bainhira estudante iha vontade estuda mak nia sei hetan oportunidade ho nia benifisiu ne'ebé di'ak no sé mak lakohi estuda hakarak badiu de'it entaun oportunidade ne'ebé nia sei hetan mak dezafiu.
Tanba la Eskola ne'e nia dezafiu mak dezempregu no tama ona iha faze ida-ne'e siknifika nia konsikuénsia ikus mak ba halo problema, hetan kadeia nomós ba ospitál.
“Ami katuas sira sakrafika-an ho ami-nia enerjia tomak ba rai ida-ne'e nia independénsia, ami lamatenek”, hatete nia.
Tanba Governu daualu rasik liuhusi Ministériu Edukasaun Juventude no Desportu kria ona planu ida atu fó subsídiu ba estudante eskola Ensinu Báziku to'o Sekundária ne'ebé hetan valór primeiru lugar to'o terseiru lugar.
Nu’udar Administradór Postu Uatulari sente agradese ba Programa ida-ne'e tanba bele eduka liután estudabte sira, iha vontade hodi estuda oinsá mak bele hetan valor di'ak.
Nune’e husu ba Estudante liliu joven sira tenke estudante nafatin atubele hetan oportunidade ba subsídiu nomós bolsu Estudu ne'ebé kria husi Governu rasik. (*)