Tuir informasaun ne’ebé www.tempotimor.com asesu husi pájina AIFAESA katak, tama ba loron daruak nia, ekipa inspetór AIFAESA halo kontrolu ho másimu iha Munisípiu Baukau, Postu Administrativu Laga.

Atividade Operasionál ne'e, inspetór sira nafatin halo kontrolu ba kualidade ai-hán ne'ebé komersializa hosi operadór ekonómiku sira, aliende ne'e mós inspetór sira inspesiona estabelesimentu Komérsial sira ne'ebé komersializa materiál konstrusaun, hodi intensifika kontrolu ba medida besi beton.

Enkuantu, iha atividade refere operadór ekonómiku voluntáriamente entrega produtu ai-hán ne'ebé expiradu ba inspetór AIFAESA.

Rezultadu hosi atividade ne'e, estabesimentu hamutuk rua nulu resin ualu (28) mak inspesionadu no hetan apoiu seguransa hosi PNTL Eskuarda Laga. (*)