Iha implementasaun Uma Kbi'it La'ek (UKL) hamutuk Uma-1252 atinje ona Pursentu 85 ba Suku-424 iha Munisipiu 13 inklui RAEOA nomós Ataúru, ne’ebé atividade la’o dadaun.

Ba ezekusaun orsamentu etapa Primeiru liuhusi tranferénsia primeiru ho pursentu 50 husi orsamentu alokadu depois ezekusaun, tranferénsia segundu pursentu 60 bele mós to'o pursentu 85 ba ninia persentajen fiziku.

Nune’e mós ba pagamentu sei halo bainhira obras konklui hodi entrega ba komunidade sira ne'ebé sai benefisiáriu.

Munisipiu sira ne'ebé hetan ona maibe seidauk implementa razaun estrada ladi’ak. Maibé ekipa iha nia solusaun seluk hodi garantia ba Uma sanulu-resin-sia (19) ne'ebé seidauk implementa iha tinan 2021 espera iha fulan-maiu bele implementa maibé ho modelu foun implementa ba benefisiáriu elijivel sira.

“Ita halo ajustamentu ba dezeñu sira hodi tau kustu ba ita materiál konstrusaun nomós selu pesoál ne'ebé lalin sasán. Kona-ba dezeñu laiha mudansa maibé sei muda UKL+ para garantia implementasaun siknifika implmentasaun uma sanulu-resin-sia (19) nomós kustu ba mobolizasaun material konstrusaun”, esplika nia.

Haree ba implementasaun Uma Kbi'it La'ek (UKL) fase daruak nian, instrusaun Munisípiu sira hetan hotu ona maibé Postu Administrativu Alas, Munisípiu Manufahi mak implementa uluk no iha semana oin tékniku sira sei implementa mós iha munisípiu seluk.

Maibé atu implementa etapa daruak Uma Kbi'it La'ek (UKL) presiza tuir siklu sanulu-resin-rua (12), implementasaun no dadaun ne'e iha Munisípiu sira sei iha etapa hitu. Tanba ne'e, ema barak kestiona kona-ba fiziku maibé lahare ba prosesu sira ne'ebé implementa tuir etapa pur etapa inklui matadalan.

Postu Administrativu Alas, Munisipiu Manufahi hahú ona prosesu konstrusaun iha aldeia sira no kada aldeia hetan uma tolu maibé munisípiu seluk seidauk implementa tanba tékniku sira sei halo ajustamentu hanesan sukat sira-nia hela fatin, dezeñu Bill off Quantity (BOQ) ba implementasaun Uma rihun-4 ba Uma ka'in rihun-4. (*)