“KAK halo enkontru ho Diretór sira kona-ba implementasaun faze daruak sesta bázika nian. Importante tebes tuir dekretu-lei númeru 10/2022 Governu nesesáriu tuir planu presiza implementa sesta bázika ba faze daruak hodi hatan ba prekupasaun komunidade nian ba benfisiáriu sira ne'ebé elijivel duni hanesan sidadaun babain sira la’ós ba deputadu sira, ministru, no ema sira iha kartu ser na sira. Objetivu ne'e, mak ita hotu aseita hotu hodi halo implementa sesta bázika ba faze daruak”, Dehan Komisáriu KAK, Sergio da Costa Hornai iha Salaun KAK, Farol, sesta (22/04).

Ba empreza selesionadu sira tenke tuir prosesu selesaun, padraun aprovazionamentu nian no autoridade projetu bele halo ajudikasaun ba empreza maibé tuir lai aprovazionamentu nian atu garante distribuisaun produtu ho kualidade, tuir kontratu no presu.

“Enkuantu empreza ne'ebé pasa tenke liuhusi padraun aprovazionamentu nian no autoridade ka entidade nain ba projetu bele halo ajudikasaun ba kompaña sira maibé tuir lei aprovazionamentu nian. Nune'e distribuisaun produtu ba benefisiariu sira iha duni kualidade, tuir kontratu no presu ne'ebée estabelese nia husi Governu”, informa nia.

Tanba importante mak prosesu distribuisaun tenke la’o ho di’ak no labele akontese tan erru ne'ebé mosu iha passadu.

Maibé KAK mos husu orgaun kompetente sira hanesan mídia, AIFAESA, Alfandega, PDHJ no Organizasaun Naun Governmental sira atu hola parte iha kontrolu ne'e no tinan ida tomak sei implementa sesta bázika ba faze daruak nian ho montante millaun ualunulu. (*)