“Hanesan estudante husu atu Governu bele hatun presu ba mina tanba difísil tebes mai ami estudante no antes ne'e ami selu Centavu Sanulu-resin-lima ($0.15) ba transporte, maibé agora selu Centavu ruanulu ($0.20)”, dehan Estudante UNDI, Arevelina Pacheco Cardoso, iha Salaun Suai Room Timor-Plaza, Komoro, segundu (11/04).
Bainhira studante ne'ebeé mak hela iha Bekora ba eskola iha Tasitolu ne'e sa’e bemo dala rua entaun nia sei gasta maka'as hodi selu bemo entaun oinsá ho fotokopian materia no osan konsumsu loroloron nian.
Estudante Universidade Nasional Timor Lorosa'e (UNTL), Juanito Freitas de Aráujo hatete, Estudante sira sempre iha nessesidade prioridade sira ne'ebé relevante ho osan transporte, osan fotokopian no osan sosa livru nian.
Ho folin kombustivel ne’ebé sa’e, hanesan estudante sempre preukupa ho transporte públiku tanba estudante osan la sufisiente atu sa’e transporte públiku ne'ebé folin sa’e maka’as.
“Hanesan estudante hakarak rekomenda ba Governu atu liliu parte relevante sira pelumenus hare'e problema estudante nian hanesan mós problema Governu nian ne'ebé hanesan mós membru Governu atu rezolve lalais problema ne'ebé estudante sira hasoru mak rendimentu la sufisiente atu hatan ba nessesidade transporte nian”, dehan nia.
Tuir peskiza ne'ebé estudante sira husi Universidade Nasional Timor Lorosa'e hadutu katak maioria povu kuaze pursentu ualunulu (80%) mak moris ho agrikultór ne'ebé hatene katak difísil atu hetan lukru.
Nune’e la’ós estudante Universit’ariu sira de'it mak preukupa ho folin kombustvel, maibé sekundáriu sira inklui mós komunidade sira ne’ebé sente afetadu. (*)