Tuir informasaun ne’ebé www.tempotimor.com asesu iha pájina MTKI, kinta (07/07) katak, Peskiza ne’ebé Diresaun Jerál Turizmu fó ba ekipa UNTL ho objetivu atu azuda foti dadus ba área sítiu turístiku sira ne’ebé eziste iha Timor-Leste, tanba seitór turizmu sai nu’udar setór ida ne’ebé importante ba komunidade lokál iha futuru.

Tanba ne’e, iha rikosoin ka poténsia rekursu naturál hodi hasa’e rendimentu ekonomia komunidade lokál ne’ebé mak izoladu tebes.

Vise-Ministra Turizmu Komunitária Kulturál, Inácia da Conceição Teixeira hatete, peskija turizmu observatoriu ne’e la’ós de’it ba Governu atu foti desizaun, maibé atu azuda mós estudante sira aban bai rua bele hatene, no oinsá mak bele hakerek kona-ba metodolojia akadémiku

Peskijadór Vicente M.L Guterres hatete asuntu ne’e importante tebes bele troka ideia ba programa ne’ebé peskijadór sira halo kona-ba observatoriu turístiku nian.

“Ami mós husu estrutura Vise-Ministra bele fó paraser saida mak ita bele hadi’a hamutuk prontu bele hadi’a, ikus bele sai hanesan referénsia ou sai livru hodi arkivu iha ministériu Turizmu nomós Akadémiku liliu sai hanesan matadalan ba estudante sira iha futuru”, Peskisadór mensiona

Iha Relatóriu peskija ne’e ekipa aprejenta kona-ba Eko-Turizmu Ataúru, Turizmu Komunitária One dollar beach-Manatutu, We-Luli manas Vikeké no Turizmu iha Munisípiu Lautein-Lospalos. (*)