Login to your account

Username *
Password *
Remember Me

SEKOOP-Estudante UNTL Lansa Sistema Atividade Integradu iha Lospalos

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Lautein)-Sekretáriu Estadu Kooperativa (SEKOOP), Elizário Ferreira hamutuk ho estudante estajiáriu husi Universidade Nasionál Timor Lorosa'e (UNTL) husi Fakuldade Agrikultura (FA) husi departamentu haat (4) halo lansamentu sistema Atividade Integradu Fini Ikan, Kuda modo iha Suku Rasa, Postu Administrativu Lospalos, Munisípiu Lautein.

Iha serimónia lansamentu ne'e Sekretáriu Estadu Kooperativa (SEKOOP), Elizário husu estudante sira sai lideransa ida ne'ebé mak di'ak no prontu iha oras 24 nia laran.

“Hakarak sai lideransa ne'ebé di'ak tenke sai líderansa ida ne'ebé prontu iha oras 24 nia laran, ita-boot sira hanesan líderansa ba rai Rasa ne'e, liliu Fakuldade Agrikultura, eduka to'os na'in sira atu sai produtór tanba ida ne'e ha'u agradese ba ita-boot sira”, dehan nia iha Suku Rasa, Postu Administrativu Lospalos, Munisípiu Lautein, segunda (31/10).

Xefe Grupu Estudante Estájiariu husi Suku Rasa, Cesaltina Mendonça hatete, iha estájiu ne'e sira halo atividade barak hanesan fó formasaun ba joven sira, halo konstrusaun ikan fatin no seluk tan.

“Iha atividade ne'ebé ami halo mak hanesan iha departamentu peskas marina nian mak ami halo konstrusaun kolam ikan nian, ne'ebé orsida halo lansamentu, pelet ikan nian, nomós fó formasaun, no husi Agronómia nian ami halo kantadeiru ne'ebé ami kuda ona kankung no mortarda no orsida iha halo kolleta ba kankung”, esplika nia.

Alende ne'e, Departamentu AgroSosioekonomia nian estudante hirak ne'e foti ona dadus sira iha aldeia tolu husi Rasa, inklui ba Agropekuária nia dadaun ne'e estudante halo ona Konstrusaun manu Luhan.

Hafoin serimónia ne'e retama SEKOOP hamutuk ho estudante sira halo kedas inaugurasaun ba kolam ikan nia, nune'e mós Kolleta kankung sira ne'ebé kuda inklui kuda ai-oan iha suku Rasa ne'e rasik.

Grupu Estajáriu sira iha Suku Rasa estudant husi Universidade Nasionál Timor Lorosa'e (UNTL) husi Fakuldade Agrikultura departamentu Peskas e siénsia Marina, Agrinómia, Agropekuária, no AgroSosioekonomia, ne’ebé hala’o estájiu durante fulan rua ho balun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter