Tempotimor (Dili)-Prezidente Konfederasaun Sindikatus Traballadór Timor Leste (KSTL), Almerio Vila Nova, kontinua halo sosializasaun ba hodi bandu traballadór sira husik oan halo servisu todan.

"Liliu kombate assuntu kombate traballu infantil ami kontinua halo sosializasaun ba traballadór inan aman sira atu enkonraza nafatin sira labele envolve sira-nia oan iha tipu servisu saida de'it tenke fó oportunidade sira-nia hodi eskola”, dehan Prezidente KSTL, Almeiru iha Sede KSTL Bemori, segunda(07/06)

Kestiona nafatin Empregadór no Governu Timor-leste atu hasa'e saláriu estandar traballadór.

"Hadi’a kondisaun servisu traballadór sira-nia katak saláriu US$115.00 la sufisiente KSTL kontinua halo negosiasaun ho empregadór sira hodi hasa'e saláriu traballadór nian hodi nune'e saláriu refere ne'e bele rezolve situasaun ekonomia uma laran nune'e labele fó impaktu ba membru família inklui labarik sira”, dehan nia.

Tanba iha tempu difísil ne'e empregadór no Governu labele halakon traballadór sira iha servisu fatin. (*)

Tempotimor (Dili)-Traballadór timoroan hamutuk ema na'in-4 kansela viajen ba servisu iha nasaun Korea Súl, tanba rezultadu teste swab hatudu pozitivu Covid-19.

TempoTimor (Dili) - Kandidatu Traballadór Korea do Súl na’in-70 asina ona kontratu ho Governu atu aranka ba Korea Súl  iha loron 4 fulan-juñu.

Tempotimor (Dili)-Diretór Nasionál Empregu Exterior (DNEE), Filomeno Soares hatete, Governu Austrália no Korea Súl durante ne’e deporta fila traballadór Timoroan balun ne'ebé mak kontra regra.

Tempotimor (Dili)-Prezidente Partidu Demokrátika (PD), Mariano ‘Asanami’ Sabino hatete, traballadór Timoroan sai asuwain, tanba luta traballadór timoroan sira mak kontribui dezenvolvimentu nasaun Timor-Leste ba oin.

Ho ida ne’e, Família PD fó parabéns ba traballadór mundu tomak ne’ebé selebra nia loron iha loron 01 fulan-maiu, tanba kontribuisaun traballadór mak muda mundu sai sivilizadu, modernizadu no mundu ne’ebé mak ho teknolojia ne’e obra traballadór sira-nian.

“Ba Timor-Leste, traballador hothotu ne’ebé iha rai laran no rai liur, Inglaterra no Irlanda, imi mak asuwain, imi- nia luta mak kontribui para Timor la’o ba oin. Imi-nia kontribuisaun ohin loron boot liu setór hothotu sai númeru daruak depois minarai”, deklara Asanami iha Sede Nasional PD, Kolmera, sábadu (01/05).

Tanba ne’e mak servisu saída de’it mak traballadór halo iha liur valór as tebes ba konstrusaun estadu, ba konstrusaun nasaun.

Maibé, tempu to’o ona atu iha rai laran hadi’a saláriu traballadór sira-nian. Traballadór sira iha ne’ebé de’it tenke sente katak servisu ho seguru hanesan ema no servisu la’ós hanesan atan.

“Ita- nia luta atu forma ema hothotu hanesan, ita-nia servisu la’ós sai fali fatór ida diskrinima ema. Ita-nia papel mak diferente, maibé importante mak hothotu ba ita-nia rai”, afirma nia.

Asanami mós lori família boot PD nia naran hato’o parabéns no prontu luta hamutuk ho traballaór, tanba iha situasaun agora, ema ne’ebé mai husi rai liu vensimenti di’ak no ema ne’ebé nu’udar rai na’in vensimentu kiik.

“Ita tenke munda situasaun ida ne’e, hamutuk ita muda situasaun ida ne’e, hamutuk ita dignifika malu, hamutuk ita dignifika nasaun”, dehan nia.(*)

Tempotimor (Dili)-Primeiru Ministru (PM), Taur Matan Ruak hatete, traballadór sira haneaan eroi Ba dezenvolvimentu nasaun nian.

"Traballadór sira nu’udar eroi foun sira iha faze dezenvolvimentu nasionál daudaun ne’e nian no liuhusi sira mak ita hari’i nasaun ida-ne’ebé forte, riku no seguru”, deklara PM Taur liuhusi mensajen ba loron mundial traballadór loron 1 fulan-maiu, sábadu (01/05).

Loron Traballadór nian la’ós de’it feriadu ka loron deskansa nian ida, maibé sai nu’udar biban ida ne’ebé di’ak tebetebes atu hahí empeñu, méritu, dixiplina, profisionalizmu, serbisu iha ekipa, espíritu sakrifísiu nian no kumprimentu devér nian, ne’ebé horik nafatin iha traballadór sira, tantu nasionál nune’e mós estranjeiru sira.

Agradese mós ba Traballadór Timoroan no Estranjeiru hothotu ne’ebé kontribui ho laran tomak ba Timor-Leste ida-ne’ebé modernu, dezenvolvidu no prósperu liután.

“Ha’u hakarak tebes, hodi ha’u-nia naran rasik no Governu nia naran, hato’o ami-nia agradesimentu ne’ebé boot tebtebes ba esforsu no serbisu hotu ne'ebé Traballadór sira halo iha momentu ne'ebé ita luta hela hasoru Surtu Covid-19”, dehan Taur. (*)

Tempotimor (Dili)-Konfederasaun Sindikatu Timor-Leste (KSTL) ezije ba governu atu aselera lalais dekretu lei konab-ba saláriu minimu US$200 Ba traballadór sira.

Prezidente Konfederasaun Sindikatu Traballadór Timor-Leste (KSTL), Almério Villa Nova hatete, ezijénsia ne'e hato'o relasiona ho loron mundial ba traballadór sira iha loron 01 fulan-maiu.

“KSTL ezije ba governu atu aselera aprovasaun dekretu lei ba saláriu minimu ba US$200, tanba durante tinan 8 nia laran husu atu revizaun, nune'e iha tempu badak atu balansu ba nesesdiade nia moris”, dehan Almerio, iha Edifisiu KSTL, Bemori-Díli, sesta (30/04).

Tanba ne’e, governukompetente presiza asegura protesaun direitu traballadór sdurante aplikasaun estadu emerjénsia.

“KSTL ezije ba Ministru Estadu Koordenador assunto Ekonomia(MKAE), liuhusi Inspeksaun Jerál Traballu (IJT) atu asegura protesaun másimu ba direitu traballadór sira", afirma nia. (*)