“Ita labele obriga Maromak atu halo tuir ita-nia hakarak, ita haree ema ne'ebá simu bensaun ita mós hakarak simu bensaun hanesan, ne'e labele, tanba Maromak nia planu ne'e Úniku ba ema ida-idak nia moris no nia família sira”, hateten pastora Pregadora Afni liuhusi pregasaun iha IEAD Vilaverde-Dili, domingu (20/02).

Tanba Maromak ne'e fó lisensa hodi hasoru situasaun ne'ebé la hanesan ho ema seluk. Maibé hanoin katak Maromak sempre haraik promesa ba ema hottotu ne'ebé hein iha Maromak.

Tuir Bíblia iha Izaias 40:31, "Maibé sira ne’ebé hein Na’i sei hetan forsa foun, sira sei sa’e ho liras hanesan makikit nian, sira sei halai no la sai kole, sira sei la,o no la sai fraku”.

Tanba ema hothotu fiar iha Maromak ne'ebé maduru tenke simu mós Maromak nia hanorin ba ema ne'ebé tuir iha nia.

Maromak hakarak uza ema ne'ebé tuir nia atu sai ikon Maromak nian, tanba Maromak hakarak mak ema serbisu hamutuk ho Maromak.

Dala barak akontese ema barak lakohi simu Maromak nia desizaun ba ema iha ida-idaknia moris tantu ema boot ka ema ki'ik tantu ba ema ne'ebé foin fiar ba Jesus no ema ne'ebé fiar kleur ona.

Maromak hakarak hanorin atu sai belun di'ak hodi halo tuir nia promesa sira, Maromak hakarak uza Kristaun sira, atu sai bensaun ida iha ema ida nia moris.

Hanesan mós Profeta Moises ne'ebé sempre servisu hamutuk ho Maromak, no Maromak sempre ko'alia ba nia.

Iha mós Apostolu Paulo ne'ebé mak iha tempu susar no terus nia laran nia sempre hatutan Maromak nia liafuan ba Igreja sira iha tempu uluk.

Nune'e mós Jesus Kristu ne'ebé iha momentu nia atu mate iha Krus nia hatete ona katak ema sei tara nia iha Krus nia leten.

“Iha momentu ne'ebá Jesus halo orasaun to'o matan been sai tan no nia hatete Aman Doben, se bele karik hasai tiha terus ne'e iha ha'u maibé labele halo tuir ha'u-nia hakarak maibé tuir ita-nia hakarak”, haktuir nia.

Jesus nia mate hodi mai salva ema hothotu tantu husi ema Judeu no Israel to'o mai jerasaun agora. (*)