Xanana ne'ebe halo vizita ba Portugal hanesan Xefe Negosiadór Prinsipál Fronteira Máritima nomós Pessoa Eminente g7+, hala'o vizita bazeia ba konvite husi Eis Prezidente Kámara iha Munisípiu Torres Novas, António Rodrigues, atu oinsá hametin liután lasu amizade no solidariedade entre povu Timor-Leste ho Portugál.
Hafoin vizita, Xanana kontinua simu mós prezente estatua nossa senhora de Fatima ne'ebé entrega husi Prezidente Diresaun Bombeiru Fatima (DBF), Amorim Gonçalves no eis Prezidente Kámara Ourem, Vitor Frazão inklui mós prezente husi padre João Paulo, padre António Pereira, madre relijioza ho estudante Timor-Leste iha Ótel Centenario Fatima.
Durante iha dekursu, Xanana Gusmão fó agradesimentu boot ba prezente estatua Nossa Senhora de Fatima no promete sei entrega ba Amu Bispu Dioseze Maliana Dom Norberto de Amaral. (*)
