Hafoin termina serimónia graduasaun, deputadu KHUNTO, Luis Roberto hatete, nia parte kontinua foti majistradu iha área diretu nian, tanba edukasaun mak nu’udar xave importante ba dezenvolvimentu nasaun iha futuru.
"Nu’udar jerasaun foun ha'u hakarak hatete ba públiku, liliu ba jerasaun foun sira tantu ferik no katuas, liafuan edukasaun ne'e sei la fó limitasaun ba ema sé de'it. Ema hothotu bele asesu ba edukasaun, tanba ida ne'e nu’udar xave importante hodi dezenvolve no hadi'a rai Timor-Leste ne'e rasik”, dehan Deputadu Roberto hafoin simu graduasaun iha Universidade da Paz (UNPAZ), segunda (27/12).
Nu’udar pesoál hanesan deputadu, deside foti majistradu diretu nian iha UNPAZ, la'ós tanba buka kargu atu ukun, maibé atu servisu hodi servi povu liuhusi dezenvolve rekursu umanu.
Tanba durante ne'e Tinan-2 fulan-4 nia laran, esforsu no kooperasaun ne'ebe simu husi kolega eskola, dosente, inan-aman, maun-alin sira nia motivasaun, suporta, husi sira-nia esforsu ho suporta maka ohin loron lori deputadu b susesu iha majistradu.
"Tanba ida ne'e mak hau hakarak dezafia nafatin ba hau nia alin no maun sira ne'ebe mak tur nafatin iha banku eskola, atu esforsu nafatin para bele hetan objetivu ne'ebe sira iha,"esplika nia.(*)