"Ita haré triste, maibé joven sira haboot sira nia domin ba malu, harii relasaun di'ak, haboot espíritu rekonsiliasaun, ho dalan hanesan ne'e mak ita bele la'o ba oin, tanba laiha ema ida ne'ebé kontenti ho buat konflitu ne'ebé akontese", dehan Padre Alípio ba www.tempotimor.com iha katedral vila antiga, sabadu (13/11).

Senti tristi bainhira ba situasaun kontinua akontese entre joven iha momentu ne’ebé uza tempu atu goza, lolós tenke iha hanoin di'ak hodi goza iha ukun tempu a'an ne'e.

Nia afirma, uma kreda mós iha kolaborasaun komisaun reguladóra arte-marsiál no autóridade Munisípal sira ne’ebé di'ak tebes, nune’e sei halo kordenasaun atu rejolve problema sira iha Munisípiu Baukau.

"Klaru uma kreda laiha kompeténsia ba buat aspetu seguránsa nian, maibé sei koordena mós oinsá enkoraja autóridade seguransa atu bele garante", dehan nia

Uma kreda iha departementu dioseze nian ne'ebé promove páz iha komisaun justisa nian, no iha mós komisaun juventude atu halibur joven sira liu-husi fó formasaun, nune’e bele garánte páz iha komunidade nia leet.

Husu ba joven sira, atu haree malu di'ak hodi haboot unidade, tanba Timor-Leste sai ona nasaun ida indepedente ne’ebé presiza servisu hamutuk liuhusi dalan oin-oin, nune'e bele dezenvolve nasaun ho di'ak. (*)