"Sarani sira uza nia dever no direitu hanesan sidadaun di'ak atu partisipa ativa iha pólitika liu husi votasaun, maibé husu atu hili prezidenti ne’ebé bele lori Timor nia progresu ba prosperidade," dehan nia iha vila antiga Baukau, kinta (17/03).
Mensajen husi uma kreda ba sarini sira iha Timor-Leste mós atu kontribui ambiente paz iha tempu kampañia no eleisaun Prezidensiál ne’ebé lansa ona iha loron 06 fulan-marsu tinan-2022, fó sai liuhusi karta pastoral iha misa domingu rua tui-tuir malu.
Tanba ne'e, parokia nafatin ho konteudu hato’o mensajen ba sarani sira atu uza ninia direitu no dever hanesan sidadaun di'ak partisipa ativa iha polítika liuhusi vota iha sentru votasaun.
"Bele hili Prezidente da Repúblika tuir ita ida-ida nia konsensia, atu hili ida ne’ebé bele servisu no lori Timor nia progresu ba prosperidade, maibé mós ho prinsipiu valór evangelu nian iha buka ema ne’ebé bele servisu atu lori Timor ne’e nia progresu ba prosperidade," nia afirma
Husu mós ba eleitór sira atu simu rezultadu eleisaun ba kandidatu ne’ebé de'it eleitu, maske la’os pertensia ba ema ida-idak ninia, tanba kuandu eleitu ona Prezidente Repúblika ba povu tomak. (*)
