"Agora dadauk fatuk, bee-moos ne'e ita foti nia amostra ita haruka ba li'ur mak hanesan Indonézia no Kanadá depois nia rezultadu haruka filafali mai depois ita fó sai ita-nia estudu ne'e”, dehan Gabriel Aparicio iha Rezidénsia PM, segunda (18/10).
Maibé dadaun ne'e IPG halo hela esforsu atu prepara fatin ba Laboratóriu ho nia ekipamemtu ba tinan 2022 oin, maibé tinan 2022 ne'e sei sosa de'it ekipamemtu ba Geofizika nian.
Dadaun ne'e atividade rutina ne'ebé mak IPG hala'o mak halo peskiza ba fatuk no bee mós sira iha Díli inklui munisípiu seluk.
"Liga Petróleu iha parte rua ida mak rekolla dadus iha kampu iha rai-maran depois haree filafali fatuk sira-nia idade oinsá mak haree filafali ninia estatigrafia husi okos ba to'o iha leten tuan liu ne'e oinsá depois poténsia ligadu ho sistema do petroliferu até mina ho gás ne'e akumula entaun ita tenke komprende di'ak ninia petroleum system ne'ebé estudu sira ne'e ita halo”, afirma nia.
Iha atividade seluk mak rekolla dadus cysmika sira peskiza anterior sira nomós dadus sira hodi bele haree filafali área prospik ou poténsia ba hidricarbonetus Petróleo gás atividade sira ne'e mak IPG hala'o. (*)