Tuir informasaun ne’ebé www.tempotimor.com, asesu iha pájina MAE, sesta (19/08) katak, resesaun Eminénsia Kardeal Dom Virgilio do Carmo da Silva nian nomeia ona komisaun organizadora ida hodi estabelese husi konferênsia episcopal Timorense (CET) no Ministru Administrasaun Estatal reprezenta Governu hola parte iha komisaun organizadora.

“Durante fulan ida ona komisaun organizadora ko’alia kona-ba preprativu sira, preparativu simu Eminénsia Kardeal Dom Virgilio do Carmo da Silva hahú iha Aeroportu Prezidente Nicolau Lobatu iha loron 05 Setembru 2022 depois misa boot ida iha Tasitolu iha loron 06 setembru 2022 ne’ebé durante ne’e komissaun Organizadora komesa diskute ona no hahú ona preprativu sira para bele simu Sua Eminénsia Kardeal Dom Virgilio”, hatete Ministru Miguel.

Ba preparativu sira ne’e ko’alia kona-ba programa, prepara konvite sira, prepara sekuénsia seremónia sira, preparativus lojistika sira hanesan tenda kadeira nomós preparativu protokolar sira ne’ebé komisasun hahú diskote ona, nune’e mós reabilita fatin missa ne’ebé sei hala’o iha Tasitolu.

“Ha’u hanoin kona-ba konvite ida-ne’e sei fó sai husi Komissaun Organizadora mais to’o agora ha’u seidauk hetan lista, ne’ebé ha’u informa buat ruma ba ita-boot sira planu husi komissaun organizadora sei simu Sua Eminénsia Kardeal Dom Virgilio iha aeroportu Prezidente Nicolau Lobato sei simu husi Prezindente EPISCOPAL ho Bispo sira no simu mós husi Chefe dos Orgão Estado sira prezente iha ne’eba nomós tuir planu Sua Eminénsia Kardeal Dom Virgilio sei halo konferénsia impresa ida iha Aeroportu Prezidente Nicolau Lobatu depois ida-ne’e Kardeal sei sai husi aeroportu halo viajen ida mai to'o iha Igreja Katedral Villaverde”, esplika nia. (*)