“Objetivu husi kriasaun festivál mak halibur no hametin populasaun timoroan ho objetivu selebra atividade desportiva, ho promosaun ne’ebé inerente ba atividade fízika no enkoraja desportu iha sira-nia modalidade, iha planu ba edukasaun fízika iha kategória desportu nian hanesan tradisionál, rekreativu, inkluzivu no alta kompetisaun”, dehan Ministru Prezidensia Konsellu Ministru (KM), Fidelis Manuel Leite Magalhães, iha Palásiu Governu, kuarta (10/08).

Festival ne’e objetivu, atu rezumu, asume hanesan forma ida ne’ebé promove hamutuk ho joven sira, nomós populasaun sira seluk, importánsia husi desportu no atividade fízika, ninia benefísiu sira, ekonómiku, polítiku no iha área saúde públika nian.

Tanba ne’e sei sai eventu ida ne’ebé sei hala’o iha tinan-tinan, no nia estrutura, kalendarizasaun inklui regra sira sei define, tinan-tinan mós, husi Ministériu responsavel ba área desportu nian. (*)