Print this page
Edukasaun & Kultura

Adezaun TL ba ASEAN, MESSK ho Diretora Kooperasaun ASEAN Identifika Kapasitasaun Rekursu Umanu

By June 08, 2022 923
Ministériu Ensinu Superior Siénsia no Kultura (MESSK) liuhusi Diretora-Jerál Ensinu Superior no Siénsia halo enkontru ho Delegasaun Indonézia ne’ebé lidera husi Juliana Bahar, Diretóra ba Kooperasaun Asuntus ASEAN Sósio Kulturál nian. Ministériu Ensinu Superior Siénsia no Kultura (MESSK) liuhusi Diretora-Jerál Ensinu Superior no Siénsia halo enkontru ho Delegasaun Indonézia ne’ebé lidera husi Juliana Bahar, Diretóra ba Kooperasaun Asuntus ASEAN Sósio Kulturál nian. Foto Suplay

Tempotimor (Dili)-Ministériu Ensinu Superior Siénsia no Kultura (MESSK) liuhusi Diretora-Jerál Ensinu Superior no Siénsia simu Delegasaun Indonézia ne’ebé lidera husi Juliana Bahar, Diretóra ba Kooperasaun Asuntus ASEAN Sósio Kulturál nian hodi halo indentifikasaun nesesidade kapasitasaun rekursu umanu ba adezaun Timor-Leste (TL) iha A Asosiasaun Nasaun Sudeste Aziatiku (ASEAN).

Tuir informasaun ne’ebé www.tempotimor.com asesu iha pájina MESSK, kuarta (08/06) katak, sorumutuk ne’ebé halo iha salaun MESSk Kolmera ho objetivu halo identifikasaun ba nesesidade iha área kapasitasaun rekursus umanu relasiona ho aplikasaun Timor-Leste nian hodi tama iha ASEAN, liliu iha pilar kooperasaun Sósio-Kulturál nian, tanba iha tinan 2023 Indonézia mak sei lidera ASEAN.

Delegasaun ne’e akompaña husi Diretór husi Ministériu Negósiu Estranjeiru no Kooperasaun (MNEK) ba Asuntu Komunidade ASEAN Sósio-Kulturál nian, Pedro Laranjeira.

Iha enkontru ne’e, mós aprezentasaun husi parte Ajénsia Nasionál ba Avaliasaun no Akreditasaun Akadémika (ANAAA) iha parte esforsu Timor-Leste nian atu kumpri ASEAN Quality Standard Framework ensinu superior nian nomós aprezentasaun kona-ba Investimentu iha formasaun Rekursu umanu kualifikadu husi Fundu Dezenvolvimentu Kapitál Humanu nian.

Iha sorumutuk ne’e hetan partisipasaun másimu husi Dirijente MESKK nian nomós Ajénsia Autónomu tutela ba MESKK nian, hanesan Komisaun Nasionál UNESCO Timor-Leste, ANAAA, Diretor-Jerál Administrasaun no Finansas no sira seluk tan. (*)

Rate this item
(0 votes)
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items