Tempotimor (Dili) - Xefe kasa Sivil Prezidente Repúblika, Francisco de Vasconcelhos, hateten rezultadu reuniaun Konsellu Superiór Defeza no Seguransa (KSDS) no Konsellu Estadu (KE) ba extensaun Estadu Emerjénsia (EE) aumenta tan medida partisipasaun F-FDTL iha fronteira.
Francisco de Vasconcelhos hateten, KSDS no KE aseita no rekomenda ba Prezidente Repúblika, Francisco Guterres Lu Olo atu deklara extensaun EE ba XI relasiona ho prevensaun pandemia Covid-19 iha Timor-Leste.
Xefe kasa Sivil akresenta, diferente EE XI ho sira uluk liubá, iha aumentu FALINTIL-FDTL hodi partisipa asegura iha fronteira terrestre entre Timor-Leste ho Indonézia.
"Medida nafatin hanesan ho uluk, só iha tán ida maka hosi forsa defeza para apoiu ba iha servisu ne'ebé iha fronteira," dehan Vasconcelhos iha Palásiu Prezidensiál, Bairru-Pité, Dili, Kuarta (25/02).
Tuir observasaun Timoroan hakat liu ba mai entre Timor Leste ho Indonezia liu husi dala ilegal sei buras nafatin.
Nia hatutan, medida seluk hafoin Parlamentu Nasional (PN) aprova tiha depois mak governu sei deskuti hodi halo dekretu governu kona-bá medida importante sira hodi aplika iha territóriu nasionál inklui Munisipiu Covalima no Bobonaro no RAEOA.
Vasconcelhos hateten, lais liu ohin PR sei haruka rezultadu reuniaun KSDS-KE ka pedidu Governu nian kona-bá extensaun EE ba PN hodi deskuti no aprova antes PR dekreta.(*)
Tempotimor (Fatumean)-Maske Ministériu Saúde detekta no alerta ona ba públiku katak, kazu Covid-19 alastra ona ba komunidade ne’ebé na’in haat pozitivu ona, maibé to’o agora, pasiente ne’ebé pozitivu ba Covid-19 kontinua hela ho familia, nune’e deskonfia katak pasiente aumenta ona na’in neen.
Error: No articles to display
.