Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Tempotimor (Dili)-Komandante Jeral Polísia Nasionál Timor-Leste (PNTL), Komisáriu Faustino da Costa sei nomeia ekipa internál Instituisaun PNTL atu investiga kazu joven ne'ebé mate ho kondisaun tara-an iha sela deteinsaun komandu PNTL Munisípiu Dili.
Tempotimor (Dili)-Xefe Estadu Maiór Falintil-Forsa Defeza Timor-Leste (F-FDTL), Tenente Jeneral Falur Rate La'ek hala'o enkontru semanál ho Prezidente Repúblika (PR), Jose Ramos Horta, iha loron sesta (02/09) hodi diskute preokupasaun kona-ba patrollamentu kompenete Navál nian iha tasi-laran.
Tempotimor (Dili)-Minístru Ensinu Superior Siénsia no Kultura (MESSK), Longuinhos dos Santos hatete, Governu sei obriga hasai komunidade okupa rai Estadu no kontinua halo konstrusaun Sidade Universitariu Aileu (SUA) tanba Governu tau interese Estadu aas liu duké interese indivídu.
Tempotimor (Dili)-Prezidente Repúblika (PR), José Ramos Horta iha loron kuarta (31/08) hahú rona papél no difikuldade servisu sira husi Banku Komérsiu hamutuk lima (5) iha Timor-Leste.
Tempotimor (Dili)-Diretór Ezekutivu Forum Organizasaun Naun Governamentál Timor Leste (FONGTIL), Valentin da Costa Pinto preokupa, mákina fase-rán ne’ebé avaria iha Hospital Nasionál Guidu Valadares (HNGV) bele lori risku ba Pasiénte 96 nia vida.
Tempotimor (Dili)-Primeiru Ministru (PM), Taur Matan Ruak, husu joven timoroan sira atu pasiénsia no augenta ho situasaun Ekonómia ne'ebé família iha no labele ansi ba servisu iha estranjeiru ho Ajensia ilegál atu evita risku deznesesáriu sira iha Estranjeitu.
Tempotimor (Dili)-Polisia Siéntifika Invetigasaun Kriminál (PSIK) hein orden foun husi Ministériu Públiku ho Tribunál atu halo investigasaun no rekolla tan dadus kona-ba kazu ilisitu droga ne’ebé arguidu na’in-sia (9) envolve.
Tempotimor (Dili)-Prezidente Repúblika (PR), José Ramos Horta, konsidera Prezidente CNRT, Kay Rala Xanana Gusmão, mak nu’udar líder dahuluk ne'ebé hakilar rekonsillaun ho timoroan sira nomós rekonsillasaun ho Repúblika Indonézia.
Tempotimor (Dili)-Minístru Ensinu Superior Siénsia no Kultura (MESSK), Longuinhos dos Santos hatete, Governu sei selebra ona kontratu ho kompaña internasionál Chonquing Internationál Corporation hodi lansa fatuk dahuluk ba Konstrusaun Institutu Polítekniku Betanu ne'ebé sei realiza iha fulan-setembru.
Tempotimor (Dili)-Primeiru Ministru (PM), Taur Matan Ruak hatete, nia parte sei buka hatene informasaun husi Ministeriu Saúde (MS) kona-ba problema mákina fase-rán nian ne'ebé dadauk avaria (at) iha Ospitál Nasionál Guido Valadares (HNGV).
“Ha'u mós haree hela iha mídia mais ha'u seidauk buka konfirma. Ha'u promete katak ha'u sei husu informasaun ba Ministériu Saúde para haree saida mak ita-bele ajuda”, dehan Taur hafoin Finaliza Audénsia ho Prezidente Repúblika, José Ramos Horta iha Palásiu Prezidensiál Bairo Pite, kinta (01/09).
Tanba ko'alia kona-ba fasilidade fase-rán nian ne'e importante tebes atu ajuda ema nia vida, bainhira fasilidade sira-ne'e avaria iha HNGV, mak naturalmente ida-ne'e sei prejudika pasiénte sira-nia vida tanba labele asesu ba fase sira-nia rán.
“Entaun ha'u sei buka hatene para haree saida mak ha'u bele ajuda”, afirma Taur. (*)
.