Login to your account

Username *
Password *
Remember Me

Horta Konsidera Xanana Líder Dahuluk Hakilar Rekonsillasaun

Prezidente Repúblika (PR), José Ramos Horta, dada lia hela Prezidente CNRT, Kay Rala Xanana Gusmão. Prezidente Repúblika (PR), José Ramos Horta, dada lia hela Prezidente CNRT, Kay Rala Xanana Gusmão. Foto Suplay

Tempotimor (Dili)-Prezidente Repúblika (PR), José Ramos Horta, konsidera Prezidente CNRT, Kay Rala Xanana Gusmão, mak nu’udar líder dahuluk ne'ebé hakilar rekonsillaun ho timoroan sira nomós rekonsillasaun ho Repúblika Indonézia.

“Ha'u hatene e TNI hatete ‘ami la sai’ INTERFET la akontese, e INTERFET mai tanba iha akordu para sira mai, tanba ne'e maun Xanana primeiru dia kedas hakilar Rekonsillasaun Timoroan hothotu no rekonsillasaun ho Indonézia para selebra mós ida-ne'e”, dehan Horta iha ámbitu komemerasaun loron Konsulta Popular ba dala-23 iha jardim 5 de maiu, tersa (30/08).

Tanba ne'e, pezu boot husi Timor-Leste nia diplomásia mak matenek, no ida-ne'e mak ohin loron rai ne'e moris iha dame, iha liberdade.

Bainhira Tentara Nasional Indonézia deklara la sai husi Timor, mak hamosu negosiasaun husi kotuk Sekretáriu Jerál Organizasaun Nasaun Unidas, Kofi Anan, mak kondús ho Prezidente Repúblika indonezoa Susilo Bambang Yudohono momentu ne’ebá hodi konversa ho Prezidente ASEAN nu’udar mós Ministru Negósiu ASEAN, Surino husi Tailándia, negosiasaun ne’ebé Bill Clinto tama iha laran ho Tony Blair Primeiru Ministru Inglaterra, Primeiru Ministru Portugal, Antonio Guterres, Prezidente Korea, Primeiru Ministru Xina, Yang Je Ming, ho Primeiru Ministru Japaun Kopuchi, reprezentante sira seluk prepara simeira.

Ba kestaun diplomasia ne'e la’ós hanesan ema haree iha telvizaun, maibé buat barak akontese iha kotuk ne’ebé halo Indonézia atu simu no atu sees-an no simu rezultadu atu timoroan bele moris ho trankilidade iha fronteira nomós ema lubuk boot ida iha Indonézia fó sira-nia kontribuisaun hodi garante estabilidade iha ita-nia fronteira.

Tanba Prezidente Repúblika rasik halo lobby iha Washintong no New York halai to’o Ockland hasoru Prezidente Bill Clinton iha Nova Zelándia hodi ko'alia kestaun hamosu INTERFET bainhira TNI kontinua la sai husi Timor.

Maibé buat hirak ne'e iha susesu boot tanba dame no susesu boot tanba iha rekonsillasaun Nasionál no Internasionál la'ós rekonsillasaun de'it ho Indonézia maibé mós rekonsillasaun ho Austrália ho estadu Unidu amerika.

Tanba ne'e, Timor-leste nia loron konsulta Popular ida-ne'e mós selebra ona ba tinan-23, maibé ho liberdade no domin, atu lori ekonomia ba oin.

“Ne'e mak ita selebra 23 anos hanesan estatál esplika atividade barak-barak mak namkari iha Timor-Leste tomak balun mak ha'u partisipa iha ne'e”, hatete nia.

Ba komemorasaun refere mak Xefe Estadu hato'o parabéns ba timoroan hothotu tanba nele komemora loron konsulta popular ida-ne'e lori liberdade ba Timor-Leste iha dame nia-laran. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter