Items filtered by date: Thursday, 21 October 2021

Tempotimor (Díli)-Ministru Justisa (MJ), Manuel Cárceres da Costa hatete, sira sei haruka Timoroan na’in-20 ba estajiu iha Univeridade Coimbra-Portugal atu sai notáriu no Konservadór iha Timor-Leste.

Tempotimor (Díli)-Konsellu Ministru (KM) delibera no aprova Prosedimentu Aprovizionamentu ba adjudikasaun kontratu relativu ba projetu jestaun Lixu iha Munisípiu Dili.

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, hamutuk ho delegasaun Ofisiál Misaun Akonsellamentu Eleitorál Organizasaun Nasaun Únida (ONU) hahú diskute akonsellamentu ba Eleisaun Prezidente Repúblika (PR) no Parlamentár  Timor-Leste nian ne'ebé sei monu iha tinan 2022 no 2023.

“Iha sorumutu ne’e, ami ko’alia kona-ba atu halo akonsellamentu iha ita-nia eleisaun jerál, liliu eleisaun prezidensiál ne’ebé mak sei akontese iha tinan-oin”, dehan Vise Prezidente PN, Luis Roberto, hafoin sorumutu ho ofisiál Misaun Akonselamentu Eleitorál ONU iha sala konferénsia líder bankada PN, kuarta (20/10).

Ho Delegasaun ONU ne'ebé mai, sei fó asisténsia hodi akompaña eleisaun prezidensiál no parlamentár ne’ebé sei akontese iha Timor-Leste.

Tanba ne'e, balu mai uluk ona hanesan sekretáriadu ONU nian ne’ebé antes ne’e hasoru ona Prezidente Repúblika no agora hasoru prezidente PN no sei hasoru mós líder órgaun soberania inklui órgaun indepedente sira hanesan Komisaun Nasionál Eleisaun (CNE), ho Sekretária Tékniku Administrasaun Eleitorál (STAE).

Delegasaun ONU nian husu nafatin ba Parlamentu Nasionál kona-bá kriasaun estabilidade seguransa ba eleisaun ne’ebé atu mai ho situasaun Covid-19, ligadu ba taxa partisipasaun eleitór sira hodi ezerse sira-nia votu iha eleisaun.

Maibé aumenta taxa partisipasaun iha eleisaun prezidensiál, Governu mós implementa hela polítika nasionál ida hodi indika membru Governu sira hala’o kampaña nasionál vasinasaun iha territóriu nasionál hodi hasa’e númeru partisipasaun konunidade. (*)