Liga ba akontesimentu ne'e, www.tempotimor.com tenta konfirma ho xefe suku Samalari, Rui Sorteiro Siqueira Magno, maibé nia parte seidauk hatene informasaun klaru, tanba foin fila husi katedral bainhira akompaña mate isin Dom Basilio do Nascimento.
Tuir informa katak, kazu ne'e akontese iha tuku 18:00 iha suku samalari, postu admistrativu Baukau vila, bainhira fila husi rate ba mak akontese kazu refere.
Grupu arte marsiál PSHT no IKS asaltu mulu, bainhira fila husi rate no hasoru malu iha dalan mak provoka no lasimu malu hodi mosu violénsia.
Impaktu husi insidente ne'e rezulta membru PSHT ida mate no ida kanek iha fatin akontesementu no tuir informasaun oknum membru polísia mak tiru no mate isin agora iha ona ospitál rejional Baukau atu transfere ba Dili atu halo autópsia.
Ba akontesimentu ne'e parte seguransa husi Polísia Nasionál Timor-Leste (PNTL) komandu munisípiu Baukau iha ona terenu hodi buka haree kronolójia loloos husi kazu ne'e. (*)