Ministru ne’e dehan, iha Lei balun ne’ebé governu presiza halo tuir molok implementa subsidiu ba povu.
"Ita halo buat ida tuir Lei, se fahe arbiru de'it, ita fahe tiha ona, mais presiza tuir Lei aprovizionamentu, Lei Jestaun Finanseirus publikas, buat Estadu Emerjensia loos mais hala'o administrasaun estadu nian ne'e tenke tuir nafatin Lei ne'ebé mak iha, liu-liu Lei aprovizionamentu ne'ebé ita tenke kuidadu," dehan nia.
Nia hatete, foin lalais Primeiru Ministru Taur Matan Ruak koalia ona kona-ba pagamentu no direitór balun hato’o katak lei seidauk kompletu no kompetensia balun seidauk loos.
VIDEO PUBLISIDADE APELU HUSI PM TAUR APLAUS BA FRONT LINE
Ho nune’e, nia hatutan, PM Taur husu atu kompleta kestaun hirak ne’e hafoin bele halo pagamentu.
Kona-ba subsidiu ba estudante Timor-oan sira iha rai li’ur, Babo dehan, presiza rejistu no fó dadus ho loloos atu labele kontra Lei no regras.
"Tuir Lei tenke rejistu, fo dadus loloos no fó konta bankaria, tanba kuandu kontra Lei no regulamentu, aban-bainrua sei iha konsekuensia kriminal, ne'ebé ita halo buat hotu-hotu tenke tuir Lei," dehan nia.
Nia hatete, governu sei halo uluk pagamentu ba sira ne’ebé kompleta ona dokumentus, ho orsamentu hamutuk millaun $2, no ba sira seluk ne’ebé seidauk kompleta, sei halo pagamentu hafoin sira kompleta.
Ba subsidiu ne’ebé daudauk ne’e governu oferese, Babo dehan, fó de’it ba estudante Timor-oan sira iha rai li’ur ne’ebé nia inan-aman haruka rasik ba eskola.
"Ema ne'ebé mak inan-aman iha ne'e selu mesak ne'e de'it, sira ne'ebé mak iha ne’eba simu osan no serbisu ne’e la tama ida, sira ne'ebé bolseiru iha ne'eba la tama hotu, tanba ida ne'e konseilu minisrtu la aprova," nia afirma.
PUBLISIDADE