"Enkontru ohin, enkontru semanál ka mensál. Baibain. Maibé, enkontru ohin kona-ba konsultasaun ba nomeasaun xefe seguransa ba Prezidensia Repúblika. Tanba nomeasaun xefe seguransa ba Prezidensia Repúblika ne'e, PR presiza rona opiniaun husi Komandante Jerál PNTL nomós F-FDTL. Tan ida ne'e mak ami mai," informa Komisáriu Faustino da Costa ba jornalista iha Palásiu Prezidensial Bairru-Pite, Sesta (02/08/2019). 

Hatán ba jornalista ne'ebé konfirma kona-ba se mak sei hetan nomeasaun hodi sai xefe seguransa ba Prezidente Repúblika, Komisáriu Faustino dehan kona-ba ida ne'e desizaun PR nian. 

"Ita boot sira sei haree. Lista ami haruka ona mai PR. Ami fó hanoin no ideias de'it. Ne'ebé, desizaun sua exelénsia PR nian," haktuir Faustino.