Komadante PNTL Munisipiu Dili, Superientendente Xefe Henrique da Costa hateten, kazu sira ne'e mai husi tipu haat (4).
"Komandu Munisipiu Dili iha tinan 2020 nian rejistu kazu krimi hamutuk 1.694, no kazu hirak ne'e maioria kazu ofensasa integridade fizika simples hamutuk 543. Tuir fali maos tratos konjunta ka viaolasaun domestika ninian ne'e nia numeru 213", Henrique informa asuntu ne’e iha knaar fatin Kaikoli, Tersa (12/01).
Nia hatutan, kazu ameasa hamutuk 122, furtu agravadu 111, no ofensa integradu fizika ne'e hamutuk 43.
Kazu krimi hirak ne'ebe hahu husi fulan janeiru to'o 31 dezembru tinan 2020, PNTL rejistu hamutuk 1.694, nia dehan, daudaun ne’e prosesu ba hotu ona tribunál.
"Hau seidauk iha dadus ba 2019 ninian, maibé ba tinan ida ne'e nia kazu ladun barak. Ida ne'ebe mak rejistu 1.694, ne'e barak liu maka eskuadra Dom Aleixo ninian, tuir fali maka eskuadra Kristu Rei, ikus liu maka Ataúru," nia tenik.
Entretantu, kazu hirak ne'e, balun sei iha prosesu la'o hela, tanba depende mós rekursu umanu, balun sei pendente, no balun hetan ona desizaun. (*)